السلام عليكم بنات

أنا حملت في ثاني شهر في زواجي بس ما استمر الحمل و اجهضت في الأسبوع الخامس و الدكتورة قالت إن الإجهاض كان بدون سبب و الحمد لله على كل حال .

و الحين صار لي خمس شهور أحاول الحمل و ما صار بس أنا مؤمنة بربي و الله كريم إن شاء الله يرزقنا
و يفرحنا بالذرية الصالحة إن شاء الله الكريم .

أدعولي وياكم يا خواتي بالذرية الصالحة .

اول ما تزوجت تاخر الحمل عندي 10 شهور (كان هرمون الحليب عالي ) بعد ما نزل الهرمون حملت على طول
12 اسبوع وتوقف نمو الجنين ( مات في بطني ) من الاسبوع 10 وانا ما ادري .... 3 شهور وحملت مرة ثانية
10 اسابيع وتوقف نمو الجنين للمرة الثانية الدكتورة قالت اجلي الحمل لمدة سنة وان شاءالله بيستمر الحمل ...
لانه ما في اي مشكلة عندي .... الحين صار لي سنة و6 شهور وما صار حمل .... عندي ارتفع في هرمون الحليب
وكيس على المبيض ....

أسال الله أن يرزق كل محروم الذرية الصالحه .....

اهلين بنات ...
انا اجهضت في بدايه الشهر الثالث
مات الجنين في بطني ... وما كان فيه سبب ....
الحمد لله على كل حال ..
وصارلي سنه من اجهضت وما حملت ...
واتمنى اليوم اللي احمل فيه ....
الله يرزقني ويرزقكم ويرضينا بالمكتوب ....

بالنسبه لي انا قعدت سنتين ونص ماحملت وبدون سبب انا زوجي سليمين سويت طفل انابيب وتلقيح صناعي ومانفع معاي وبعدين اي بعد سنتين ونص وكنت واقفه عن العلاج تاخرت الدوره واكتشفت اني حامل بشهر ونص ماتتصرون فرحتي وفرحه زوجي نكسر الخاطر............. استمر الحمل بدووووووووون مشاكلوصلت لبدايه الشهر السادس

نزل شويه دم قال الدكتور مافي مشكله عادي واليوم الثاني نزيف والم ولاده حطوني بغرفه الولاده واليوم الثاني سوو لي ربط للرحم محاوله منهم لانقاذ الطفله بعد ايام وانا بالمستشفى نزل الماي كللللللللللللله وتعب قلب الطفله وفحص الدكتور وشاف رجولها طالعه يعني ولالالالالالالالالالالالالالاده ماتتصورون نفسيتي وقتها الولاده متعسره حييييييييييييييلالمهم بعد 8 ساعات ولدت بنت وزنها نص كيلو وفيها نزيف بالمخ انا اصريت اني اروح اشوفها يوم شفتها انهااااااااااااااااااارت اعصابي من شكلها كانت تعبانه وصغيييييييره المهم انها ماتت بعد 6ساعات من الولاده
والحين بعد تسع شهور من الاجهاض عالجت وسويت تلقيح صناعي والحمدلله حامل بالاسابيع الاولى وادعو الله انه يثبت حملي ويرزقني ويرزق كل محرومه من الاولاد بالذريه الصالحه


ادري صارت فلم هندي ااااااااسفه على الاطاله

أنا تزوجت وبعد اربعه اشهر حملت وبالشهر الثالث اجهضت مع أن حملي كان طبيعي وبدون علاج وبعدها الحين صارلي سنه وشهرين احاول احمل وما حملت وقاعده اتعالج بالابر علما ان عندي كيس يظهر على المبيض او عند المبيض وهو مو تكيس انما كيس ماء وسويت 4 مرات عمليات شفط للكيس عشان احمل وانا انطر رحمة الله بس نبي منك الدعاء الصالح وجزاكم الله الف خير