من تعرف البلاليط

مرحبا كرواسان

البلاليط يعتمد على النوعية اللي تستخدمينها لنه بعض الأنواع تلزق ..
والشي الثاني أنج ما تخلينها وايد على النار .. يعني من 3 - 5 دقايق بس ..

طبعا تسلق بالطريقة العادية وممكن تحطين شوية زيت في ماء السلق عشان
ما تمسك في بعضها وبعدين صفيها وحطي عليها السكر وحركي ( وهي في المصفاة ) ..
وخليها تنزل كل الماي اللي فيها ................ في هالأثناء سوي الخلطة اللي تبينها ..
تحمسين بصلة صغيرة في شوية زيت .... أو بيض إذا ما تحبين البصل ...
وبعدين تحطين البلاليط وزيديها سكر إذا تبين وحطي الهال والزعفران وحركي شوية بس ..
وممكن تضيفين لها مكسرات وزبيب أو اللي تبينه ..
غطيها الين تنشف وبعدين طلعيها ...

وبالعاااااااااافية .

سكر زيادة
ام طوري

مشكورين على الرد
بغيت اعرف كمية السكر على كيس البلاليط الكامل
وشكرا

السكر يعتمد على ذوقج إذا تبينه وايد وللا شوية ..
أنا أحطله ثلاثة فناجين قهوة ( فنجان القهوة العربية ) ..
ومرات أحط زيادة لني أحب السكرياااااااااااااات ..
عشان جيه اسمي سكر زيادة ...
:21:

شكرا

بقولك طريقة مضمونة وان شاء الله ما تخيب ظنك
أولا اغلي كمية وافرة من الماء وحطي فيها شوية زيت
وبعد ما يغلي الماء حطى البلاليط (الشعيرية) فيه خليها تقريبا دقيقتين يعني يادوبك لينة لا يابسة ولا لينة
وبعدين حطيها في المشخلة وحطى عليها زعفران وهال مطحون وشوية فلفل أسود و3 فناجين القهوة سكر رشي عليها( هذا كله وهي في المشخلة)...واخطليها (ممكن الزعفران تكونين خالطتنه في شوية ماء ورد يعني كله يعتمد على ذوقك)
وخليها سيري حطي زيت في الجدر وقلي فيه بصل مقصوص ناعم وممكن تستغينين عن البصل تماما...
وتخفقين بيض مع ملح وفلفل أسود وتحطينه على الزيت وتحركينة بالمعلقة علشان يستوى بيض مقطع سكرامبل.. وعقب ما يستوى البيض حطى عليه البلاليط وقلبي وسكري الجدر وخلي النار على الهادي
سوي بيض قرص كبير وحطيه على البلاليط من فوق وبالعافية...
والبلاليط يعجين لهذه الأسباب:
1- العجينة سيئة وممكن تتلافين ذلك بالتحمير البسيط للبلاليط في الزيت قبل السلق
2- طول مدة السلق وعلاجها لا تحطين البلاليط إلا عندما يغلي الماء لمدة بسيطة
3- وضع السكر على النار وهذا يجعل العجينة مائعة وعلاجها وضع السكر على البلاليط في المشخلة وليس على النار
وان شاء الله اكون أفدتك.. تراها ان شاء الله مضمونة وما تخيب