من تعرف الدكتوره سهيلة في مستشفى المشاري تفيدني عنها >> انظري الملف المثبت

معقوووووووووووووولة مالقى رد !!!!!!!
بالله عليكم اللي تعرف شيء عن الدكتوره سهيلة او عن المستشفى لا تبخل علي
والله يجزاكم كل خير
ويهون عليكم حملكم وولادتك ويصلح لكم عيالكم

لهدرجه ما القى رد
حتى رفع للموضوع ماحد رفعه
على كلآ مشكورين ماقصرتم

والله الدكتوره سهيله ما انصحك فيها ومستشفى المشاري كله عموما ما انصحك فيه
انا ولدت فيه ولدي والصراحه ما احس فيه ذاك الزود
والدكتوره سهيله ولدت بنت خالتي ومره تسب فيها انها خشنه وما عندها اسلوب
فيه دكتوره ثانيه في المستشفى يمدحونها اعتقد اسمها شاهيناز
وكان فيه واحده عندهم اسمها اميمه هذه الانسانه رااااااااااااااااائعه بمعنى الكلمه هي الي ولدتني بولدي الله يجزاها الجنه ادعي لها ليل ونهار بس هي طلعت من عندهم ولا ادري وين راحت

المملكه كثير من قريباتي ولدوا عندهم وكلهم ايضا ما اعجبهم ...بس عموما اذا تخيريني بين المشاري والمملكه اختار المشاري المملكه نصيحه ابعدي عنهم

طيب وش رايك في التامينات ..الي هو رعاية الرياض حاليا اشوفه كثير مريح وناس كثير تمدحه

كاجو قولي آآآآآآآآآآآآمين الله يرفع قدرك ويزيل همك ويحقق امانيك على ردك (والله دعواتي من قلب )
انا اللملكه ولدت عندهم من 6 سنوات ببنتي وكان عنايتة حلوة بس انا كرهته انا اكره كل مستشفى اولد فيه عشان كذا ودي اغيرة
امامستشفى التامينات ولدت عندهم اختي قبل سنه بعمليه رعايتهم سيئه كانك بمستشفى حكومي اذا طلبتي الممرضه كانك تطريها ماتجي بسرعه
طيب كيف مستوى الخدمة في المشاري يعني الممرضات حركات يجون بسرعه اذا طلبتيهم ؟

الله جزاك خير حبيبتي على هالدعوات الحلوه

شوفي عيوني المشاري ما اعجبتني غرفهم ...كئييييييبه بشكل ومبناهم مره قديم ..وبالنسبه للمرضات الصراحه انا ما ادقق على حكاية طلبتهم وما جوني بسرعه بس عموما اغلب ممرضاتهم الي شفتهم هنديات ونفسهم خايسه وماتحسين فيه اهتمام بالمريض عشان كذا ما اعجبوني بس عموما انا اعتراضي على المبنى ونظافة الغرف والا الممرضات قلت لك انا ما ادقق بالحيل بس نصيحه خلي عنك سهيله وجربي شاهيناز وممكن تروحين لكل واحده منهم زياره وتشوفين مين الي ارتحتي لها اكثر

بالنسبه للتامينات غريبه والله انا بنت خالتي ولدت فيه العام لاحظت ممرضاتهم بشوشات مره وحبوبات وبس يبتسمون لك ارتحت لهم كثير وافكر ولادتي الجايه تكون عندهم ان شاء الله والتامينات عموما احسه كله شرح واونس من باقي المستشفيات
بنت خالتي ولادتها الاولى في التامينات والثانيه في المشاري يوم جت ولادتها الثالثه رجعت للتامينات قالت ابد مايقارن بالمشاري

عموما الله يهون عليك وعلى كل الحوامل يارب