من تعرف تسوي أحلى أم علي؟

انا اقولك طريقتي وبصراحه الكل يطلبها مني

عجينه بيف باستري
حطيها بالفرن كل حبه لحالها الين تنتفخ وتستوي ولما تبرد فتتيها في صينيه طبقه اولى وفي النص حطي المكسرات اللي تحبيها بعدين غطي المكسرات ببف باستري فتتيه على وجه المكسرات ( انا اكتفي بفستق مجروش خشن ) لنفترض صينيتك صغيره فتتي اربع حبات بف باستري تحت وفي النص مكسرات بعدين فتتي اربعه على المكسرات وكل ماكبرتي الصينيه زودي البف باستري (ان شاء الله تكوني فهمتي علي )

في الخلاط
اربع كاسات حليب سايل
علبه قشطه
كاسه سكر
نص اصبع زبده
واخلطيها مزبوط وحطيها في قدر على النار الين تغلي وصبيها على البيف باستري اللي في الصينيه ورجعيها على حرارة الفرن يعني مايكون الفرن شغال لا بس على حرارته لما سويتي البف باستري حتى تتشرب الحليب
المهم ماتكون ناشفه

وبالعافيه عليك

امووت فيها ولا اعرف اسويها....

الحلوه المغروره جزاك الله خير بجربها ان شاءالله

الله يعافيڱ

والله يااقلبي انا اسويها بالبركه ..
احط البف باستري تقريباً 6 حبات بعدما يكون استوى اكسره في الصينيه واسخن حليب تقريباُ 5كاسات مع رشة فانيليا و واصباع زبده غير مملحه وسكر مثل ما تحبين حلاه وازيده على البف بستري في الصييينيه واتركه 10 دقاايق يتشربه واخذ بعدها علبيتين قشطه اخلطه تمام واصبها على الوجه وادخله الفرن ربع ساعه من تحت وافتح الشوايه من فوق بس تتحمر وبس


وازينها بالفستق الناعم ..
واذا تحبيها بالمكسرات اجرشي المكسرات على خفيف واضيفيها قبل الحليب .والزبيب طبعاُ بدون جرش مثل ما هوو
وبألف عافيه ..والله جداُ لذيذه .