من تعرف حل لمثل هالمواقف ..

السلام عليكم ورحمة الله وبركاته
كيفكم حوائيات
المشكلة لصديقتي مو لي انا وهي تطلب مشورة الجميع ..
الحكاية باختصار انها عندها اخ المفروض يدرس الان بالجامعة ولكن حصل وظيفة وراتب فماكمل دراسته ...الولد وظيفته بمدينه ثانية عن مدينتهم لكن ماهي بعيده انما مسافة ساعة وكان يبي يسكن هناك بس الاب رفض رفض تام وخلاه يداوم من البيت ....الولد بعد الوظيفة مشت الفلوس بيده صاير مره متغير ويغيب بالايام عن البيت وشايل يده من مسؤوليات البيت مرره وحده وعاد الاب تعب معاه تلفونات وينك وين انت وتعال ..الام قد ماتطلبه فلوس مره يعطيها وعشر ولا كأنه يسمع ..اخر الشهر يجي طفران ماحيلته شي ..والحجه اقساط السيارة الجديده ..الاب تعب معاه ..يحسون ان وراه مصايب لكن مايدرون وش ورى غيابه الدائم عن البيت ..جوالاته مستحيل احد يقدر يمسكهم ولا يلمسهم لمس مستحييل ..حاسيين انه بيجيب مصيبه .....قبل يومين جا الاب وكان معصب عليه مره وتهاوشوا وطرده من البيت ..وراح قعد عن صديقتي ...اللي هي اخته ...وهي حنننت فيه مره وحزنت عليه وتقول مقابلته بالغدا والعشا ماابغاه يحس انه غريب ..وبالليل مررت على الغرفة اللي كان فيها ومالقته فكانت بتدق عليه تتطمن عليه لكن جوالها الموبايلي مافيه رصيد فاخذت جوالها الثاني اتصالات وهذا الرقم كان جديد على اخوها ومايعرفه ..دقت عليه.. الو ..الو .. الخط انقطع ...ماحطت ببالها وحطت حرتها بالشبكه ونامت ...اليوم الثاني الضحى دق اخوها على جوالها اتصالات وهي ردت لكن تفاجات انه يكلمها كلام وقح وقح جدا وهي فاغره..تقول اندهشت من كلامه ..لكن بعدين انتبهت انه ما يدري ان هذا رقمي ..تقول سايرته ..ويناديني باسم البنت اللي مواعدها حضرته ويقول لي تعالي استراحتي ...تقول انا كل مالي افتح فمي اكثر ...استراحة عاد استراحة ...يانهار مش فايت ...تقول واسللك له واصك بوجهه ..ويرجع يدق واقفل ..بعدها اشتغلها رسايل يترجاها تجي استراحته وانه وانه وانه ....تقول والله ان الدنيا تلف تلف فيني وش اسوي ...كيف اتصرف ..اروووح واجي ..كنست الصالة مرتين وانا فاهية مدري عن نفسي ..تقول ان قلت لزوجي راح يحرم عليه يجي بيتي ..بيخاف على بناته ...وادق على امي واقول لها كل شي قالت لا تعلمينه ان الجوال هذا لك لين نفكر وش نسوي ..ونتشاوف بالموضوع........انا اقترحت عليها تقول للهئية وهم يتصرفون ..قالت هو صغير ويخافون يفصلونه من وظيفته ولا يسجنونه ...امها تبغا حل يادبه تأديب ويخوفه وماعاد يرجع للحرام......الاب مريض وعنده القلب وخايفين عليه من هواش قوي مع الولد ,,,اخوانه مايحشمهم فمالهم كلمه عليه
وحاولوا يزوجونه قبل كذا لكن رفض مرره وقال ماابغا اتزوج