من تعرف مكاتب استقدام يأجروا شغالات بجدة

السلام عليكم ورحمه الله وبركاته 00
حبيباتي العزيزات تصدقوا أني جلست عند أهلي 4 شهور والسبب الشغالة زوجي مو راضي يجيبلي شغالة لأن يقول مايقدر وأنا كمان بأشد الحالة لها أول شئ أني كنت والده قيصري وبيتي ماشاء الله 5 غرف وسيراميك قمت قلتلوا راح اروح عند أهلي ولما تفكر تجيب راح أرجع المهم جلست فترة طويلة بدون شغالة ودحين لما رجعت للبيت جبت وحده عمرة حبشية بي 1000 ريال أتخيلوا بس تنظف فقط بدون طبخ ودحين زوجي جالس يلحن عليا أني أترك الشغالة تروح أو أدور وحده ثانية بي 800 ريال وأنا والله ماأعرف بهذا السعر أنا الأهم عندي أني أبغه شغالة تمسك ولدي لأن عمره 10 شهور وأنا طالبه جامعية ياليت اللي تعرف ماتبخل عليا وكمان أتمنى منكم اللي تعرف مكاتب استقدام بجدة تأجر شغالات تقولي ولكم خالص الحب والتقدير.