يا قلبي كثر التفكير و الوسواس يضعف المناعة .. لا تفكرين وايد يا غالية .. ثانياً اعرف صديقتي بالكويت احنا اخو زوجها متطوع بجمعية ( سوبر ماركت ) وياله كورونا و نقلهم اياه واهما ما يطلعون .. بس زوجها يصلي معاه جماعة .. للبيت كله و عيالها الصغار والخدم .. كان فيه حرارة وتعب لكن عيالها يا ربي لك الحمد كحة خفيفة مع اني اعرف ان فيهم ربو ومناعتهم مو قوية .. والامور طيبة وراح واهيا ما شاء الله ما صار فيها مو كل البيت صار فيه .. فالي ربي كاتبه يصير و الي يتوفى يا اختي منه يكون بسبب ان عنده امراض أخرى أو سمنة مفرطة .. الواحد ما يضخم الموضوع ولا يعطيه أقل من حجمه لكن الواحد يتابع القنوات الرسمية لدولته و منظمة الصحة العالمية أغلب الناس يصيبهم المرض و يروح واهما ما يدرون وبدون أعراض عشان جذي ما يبون اختلاط لانهم يخافون على كبار السن .. و الي خايفين منه شي واحد ان المرض سريع سريييع الانتشار فممكن يرهق الطاقم الطبي فاصحاب الامراض المزمنة ممكن كل يوم يدخلون١٠ او ٢٠ عناية مركزة من كل المرضى .. ولا مثل ما صار بالاهمال بالدول الاوربية فصار الاعداد بسرعة كبيرة وما في مكان لهم .. وسلامتك

الله يرحم من مات ويجعله كفاره لذنوبه
حقيقي الموضوع يضيق الصدر
الحمدلله من القرايب والاهل مافيه احد مصاب
الله يكفينا شر المرض

اقاربي ببريطانيا صابهم و شفوا باذن الله بعد ما اكلوا الحبه السوداء و الزنجبيل و الاعشاب الطبيه يعني قووا مناعتهم
و فيه واحد كان عنده سرطان و سبحان الله شفي و عندنا خالتي عيالها في الحجز و واحد منهم شفي ما شاء الله و فيه كذلك ام صديقة اختي و اخوانها صاابهم لانهم يشتغلون بالشرطة و الجيش و الحمدلله طلعوا من المستشفى
و فيه زوج اخت صديقتي كان متطوع و صابه و الحمدلله هو بخير ...
بس يا نااس لا تتهاونون بالمرض اختي تشتغل مع مرضى الكوفيد كل يوم واحد او وحدة تمووت و اسباب الوفاة هي تخثر في الدم اللي يسببه المرض

ناس اعرفهم جاهم كورونا ما يطلعون ابدا عشان عندهم بنت مريضة سرطان الله يشفيها فخايفين عليها لكن الي حصل بيوم خربت الثلاجة وجا عامل يصلحها ومن بعده كان عند البنت جلسة كيماوي فاضطروا يروحوا للمستشفى في الشرقية هما و قاسوا حرارتها طلعت مرتفعة ومفكرينها اهلها انو تعب من المرض وعملوا لها تحاليل طلع فيها كورونا و باختصار حللوا للعايلة كلها فيها المرض بس الاب تعبان للان وحالته حرجة اكثر منهم كلهم مع ان عمره ٤٢ ومافي امراض مزمنة لكن الله يشفيهم ويرفع عنهم وعن المسلمين اجمعين

أي أعرف حارس عمارتنا .. صارلو ممكن فوق الاسبوعين بالحجر ولهلأ ماطلع
وللاسف الشديد .. واحد من سكان العماره كان يبصق بالمصعد يلي اغلب اللي ساكنين العماره يستخدموه
وإحنا منهم بحكم إن شقتنا بالدور الخامس
الله يحمينا ويحمي كل المسلمين من كل داااء