انا اخوي تغير علي وبدون سبب الا انه زوجته حقوده وغيور وحسود تخيلي كنا ساكنين بعماره وحده وماأشوفه الا كل ثلاث او اربع شهور
مره وياليت يجلس السلام كيفك ويطلع يعني مايشرف الا اذا جت مرته واذا رحت لبيته ماأشوفه بس ماأقول غير حسبي الله ونعم الوكيل على من كان السبب والله يذوقها من قطيعة اهلها مثل ماذقته بسببها وياليتها بعيده المصيبه قريبه لي كل ماجت على بالي اتحيسب عليها والله ياخذ حقي منها ويفضحها عند اخوي والله انه طيب وحنون بس ماخلته اللئيمه لحاله قلبته علي اللحين انا نقلت من نفس العماره ورحت عماره ثانيه والله ارتحت على الاقل من مراقبتها لي في الطالعه والنازله واخوي طنشته متى مابغى يجي حياه الله وصرت اروح مره بالشهر عندهم كذا احسن

الله يهديهم ويصلحهم يارب ويرزقنا بر عيالنا

كيف تعامل امهاتكم مع زوجات اولادكم بعد التغير؟

شغالة امي اللي سافرت كانت تقول عن زوجة اخوي الكبير انها مثل الفار تقرص وتتخبى واحنا ما كنا نصدقها ونقول هذي الغالية زوجة الغالي وبعد عشرة 20 سنةمن دخولها حياتنا بانت على حقيقتها واكشفت عن انيابها .. والثانية بعد في حالها لكن من ما نسلم من قرصاتها ... والثالث لازم يستشيرها اخوي قبل لا يتكلم معانا والرابع يمكن من سنة الى الثانية ما اشوفه والسبب زوجته بس لاهلها بس بينه وبين امي مكالمات التلفون المشكلة ان زوجات اخواني كلهن لما يتلاقون مع اقاربنا يحثون على صلة الرحم والمسكينه امي تسألني سؤال ما غيره "" انا وابوك الله يرحمه ربينا غلط ؟؟؟ "" وانا اقول انتي ياامي و يا ابوي رايتكم بيضه وتربيتكم صح ...قريب باذن الله بيعرفون واولادهم كبروا ...لكن ما اقول الا حسبي الله وهو نعم الوكيل

والله انك صادقه فتحت جرح كبير
في قلبي
انا مايهمني اذا زعلو علي لكن والله يهمني امي وابوي
وشلون تصدق زوجتك كلامها الي تقوله
عن امك وابوك اتمنى اني اموت
ولا اشوف دمعه من امي
ولا اشوف ابوي ضايق صدره
وفوق هاذا محرومين من احفادهم
الله لايسامح كل زوجت ولد تحرم
اعيالها عن اهلهم
والله اني دايم ادعي عليهم
وامي اذا شافتني كذا تقول لالا يابنيتي
هذولا اخوانك بكرا يعرفون
وتجلس تبكي
الله يسامحهم