بسم الله ابدخل في الموضوع على طول بدون مقدمات لاننا في عصر السرعة
قبل سنتين بعد اجتماع عائلي لاقاربي المقربين
كنت اتكلم مع وحدة من حريم اخواني صاحبة العزيمة , وتاركة الثانية وهي تخزني بنظراتها !
المهم من بكرة ارسل لي رسائل من مجهولة
وتقول :(( انا فاعلة خير , ولن تعرفينني لان الجوال باسم هندي يعني بطاقه سوا , احلفي لي ماتقولين لاحد النصائح التي ابقولها لك ضعي لجوالك رقم سري ,اولادك نبههيهم لايتكلمون بأسراركم فيه ناس يستدرجونهم بالكلام.انتبهي للبيت الذي تروحين له تقصد بين اهلي ترى يمكن يصورون بنتك مادريتي )) والكلام كثير
اقول من انتي ماترد ! توقعتها مرة اخوي التي كنت اكلمها واسولف معها بس ماحبيت اواجهها لأنها عصبيه.
صرت احذر من بيت اهلي الذي توجد فيه مرة اخوي التي تاركتها في الاجنماع العائلي وهي غيورة جدا عشرة سنين معها وغيرتها تزداد.
وكتمت على الموضوع ومادرى به أحد الا بنتي وماقالت لاحد.
المهم كانت بنت اختي تروح بيت اهلي وسط الاسبوع الله يجزاها الجنة ؛ تسلي أمي , لاني بعيدة .
وكان ولد يقول لبنتها ام عشر سنين صورت اختك ام خمس سنين وأبنشرها في النت !
قالت آلبنت لامها قالت لامه ولدك صوّر بنتي وبينزلها بالنت ! قالت يمكن يسويها. .
< تخوفها عشان ماتكثر الزيارة لهم , غيرة منها .
بعد فترة وجيزة من الزيارة ارسلت لابنت اختي رسائل من مجهوله
تقول ((اناشفت فيك رؤيا وفسرهاالشيخ وقال لاتكثر الزيارة لاهل امها- يعني أهلي- ولاتروح ببناتها لهم يمكن يصورون بناتهاولاتجمل بناتها الاعند ابوهم وعمانهم ))
وأثناء الارسال كانت اخت مرة اخوي تدق على بنت اختي وتكلمها في موضوع زواج او مدري خطبة تبغى تعرف شعورها والرسالة تجيها( خطة محبوكة) ,
تذكرت الرسائل التي كانت تجيني سابقا , وكلمت مرة اخوي صاحبة العزيمة
قلت(( قبل 6شهور جتني رسائل من مجهول والآن رجعت لبنت اختي احلفي انك ماقد ارسلتي حتى ابعد التهمة قالت مو انا )) وزعلت الى الآن سبّب زعلها صعوبة حل المشكلة
صرت انا وبنات اختي نفعل فعلهم رسائل منا - ببطاقه سوا - و نحاول كشف الحقيقة.
يوم رحت لاهلي كرمتني مرة اخوي كرم المخادع ومسكتني في غرفة امي وقفلت علي
وقالت(( من التي ترسل لنا أنا وأختي بنات اختك او انتي قلت مدري انامثلك يجيني رسائل واطنشها وحلفت في عيالها انها مهيب منها ))
المهم دخلت الحمام كرمكم الله يوم طلعت
قالت (( فتحت جوالك الرسائل منك )) مدري فتحته والا تبغى تخوفني
قلت(( الله لايحللك ليش تفتحينه))
جلست آنآ مع أمي ماتدري بالسالفه . .
هي وزوجها ينادوني يريدالوقوف معها ضدي رفضت آنآ بالاشارة آني اروح لهم . .
جت وفضحتنا بالبكاء قدام أمي وأبوي وهم مايدرون بالسالفة
وتقول (( انا ماأرسلت )) قلت ((آجل أختك آلمرسله ! ))
حلفت وقالت ((لآ انا ولا أختي )) وزوجها معها متفاعل من شان البكاء المرير
وصآدفت اني آكلم بنات أختي على خط الجوال , وصاروا يسمعون اللي يصير . .
قلت ((اسكتوا اصلا امي ماتدري بالسالفة وش دخلها حرمة كبيرة تتعب من المشاكل))
المهم راحت وزوجها لاختي وبناتها في نفس اللحظه ,
ليقنعونهم بآلبكآء ! انها مالها دخل بالرسائل , مافتحوا الباب لهم يريدون اخوي لوحده حتى يفهمونه الموضوع بدون دموع التماسيح !
من بكرة راح لهم وفهموه وكلمني ونفس الشئ فهمته ومازال واقف بصفهآ !ا ولم يحل المشكلة !
وياليته مادخل الموضوع مادام انه انحيازي !
الآن المشكلة لهااكثر من سنة ولم نعرف من المرسله ؟
هل كلا المرسلتين واحدة ام اثنتين ؟
من لها مصلحة في الارسال ؟ هدى التي في بيت امي وابوي حتى لانحضر كثيرا ؟ آم ليلى ؟
مع ان كلا الاثنتين حرمتانا من الاجتماعات العائلية =(
أعطوني حلولكن وادعو لكن في رمضان ان شاء الله آسفة على الاطالة وشكرا.:16:
*همسة وفاء* @hms_ofaaa_4
عضوة نشيطة
يلزم عليك تسجيل الدخول أولًا لكتابة تعليق.
طيب يمكن من الاولاد الصغار يعني موب شرط من الكبار
عموما انتي ادعي ربك انه تتضح الحقيقة وتبان
والله يعينك.
عموما انتي ادعي ربك انه تتضح الحقيقة وتبان
والله يعينك.
الصفحة الأخيرة
الله يحلها من عنده