حبيبتي
انا لي سالفه ذكرتها في اكثر من موقع
اللي صار معي شي عجيب الله وحدة اللي يعلم فيه
انا تمرخت قبل 5 شهور تقريبا عند حرمه هنا بالرياض
وقالت لي من 3 الي4 شهور انشاء الله تحملين
رحت لها 3 شهور مع بدايه الدورة تمرخني وتعطيني اعشاب
واخر مرة حطت اعشاب في عسل
استخدمته ذاك الشهر
وبعدين خوفوني من هالخلطات وبطلته
الشهر اللي بعدة ماعاد استخدمت شي
لاتمريخ ولا اعشاب
بس اخذت كلوميد بدون ابرة تفجيريه
لاني ذاك الشهر قررت ابطل تفكير في الحمل لين ارجع من الصيفيه
مالك بالطويله
المهم
اللي صار اني حملت بعد انتظار 3 سنوات
فوالله مدري هل السبب من التمريخ ولا التطنيش للموضوع
بس للاسف ماتم حملي

ولك محبتي

انا تمرخت اكثر عن مره

تقريباً كل سنه ومايصير حمل

وتمرخت بعد هذا الشهر

ويتني بعد الدوره واليوم سرت للدكتوره وقالت رحمج نازل

وما أعرف هل من التمريخ او لا.

عقيق يماني
لما قالت لج الدكتورة ان رحمج نازل ما قالت لج شبتعطيج او شبتسوي لج
وشلون عرفت انه نازل الرحم من الالتراساوند؟
ادري كثرت الاسئلة اعذريني بس ودي اطمن

سلااام عليكم .. وصباح الخير ..
انا صار لي سنة في البداية من تزوجت وما حملت ... ولما صارت سنة كاملة رحت الى المراخه .. قالت لي رحمش مايل على صوب ... وعدلته .. وبعد شهرين حملت بإذن الله ...

والحمد لله جبت ولدي .... الله يحفظه ....

وما ادري اذا كان السبب التمريخ .. بس اللي صدق احسه اني كنت مرتاحة اكثر بعد التمريخ .. حسيت صدق انه شيء تغييير .. >> لما عدلت رحمي يعني ... تقول يمكن كنت حاملة شيء ثقيل وهذا خلى الرحم يميل على جنب ...



تحياااتي لكم ..
وان شاء الله بحق شهر شعبان الكريم ... وبحق شهر الله> شهر رمضان< يعطي كل محرررومة ويرزقكم كل خير والذرية الصااااالحة ...

وما بعد الصبر الا الفرج ....

شوفي حبيبتي تجربتي الخاصة تمرخت بس ما نفع معاي وما حملت بعدها ويمكن عشان تمرخت بعد الدورة ويقولون الافضل ايام الدورة يكون التمريخ
واعرف ناس كثييييير حملوا بعد التمريخ منهم وحده 13 سنة يقولوا لها الاطباء ضعف في التبويض ومافي امل وبارادة رب العالمين بعد التمريخ مباشرة حملت سبحان الله

المهم نعرف ان الحمل من الله متى مايقول له كن يكون ومش من التمريخ ولا الكلوميد وغيرها هذه كلها اسباب