السلام عليكم ورحمة الله وبركاته..

فينوس.. مشكورة على التوضيح.. أنا من خارج دول الخليج لذا لا أعرف هذه الأشياء وهي غريبة علي.. ولكن حسب ما فهمت منك أنه يوجد مبخرة خاصة للشعر.. وأنا خالتي الآن بمكة.. هل يمكنك أن تدليني من أين يمكن أن تشتريها لي؟ وهل تطلبها هكذا (مبخرة شعر) أم ماذا؟ اعذريني لكثرة الأسئلة، وجزاك الله كل الخير

لا عادي ... اسئلي مابدالك حبيبتي


اهل الامارات يسمونها مخمريه ... يعني هالمسمى مو مشتهر عندنا مره

حنا نسميها مبخره ... على العموم .. لو هي بمكه فيه اسواق مكه الجديده ... بعماير مكه مقابل الحرم
فيه محل اسمه .. الشركه العربيه للعود ... وفيه محل ثاني اسمه وادي النحل

تطلب منهم بخور .. فواحه .. دهن عود ...
والشركه العربيه عندهم المخمريه ... خليها تطلبها باسمها .......... مخمريه

وهم ماراح يقصرون راح يعطونها


:26:

هلا يأخت حواء المؤمنة
شوفي عندك كم طريقه

1_ طريقة فينوس انك تبخرين شعرك واذا خالتك في مكه وصلتي له ان شالله يااااكثر محلات العود في مكه في كل شارع وركن

2_ فيه دهن عود خاص للشعر بروضه من محلات العود

3_فيه عطورات خاصه للشعر (فيه من شانيل وفيه من شركه أل جي ....هذا اللي اذكر )

4_فيه مسك تلاقينه عند محلات العود يباع في توله لونه ابيض بصراحه ريحته روووووعه انا احط منه في شعري

5_فيه شامبوهات ريحتها قووويه مثل هيربال وانواع ثانيه انشالله البنات يفدونك

وبصراحه هذا اللي اذكره اذا تذكرت شي ثاني انشالله اقولك

اقولك حبيبتي حل سريع وسهل وانا كنت مثلك انزعج من الرائحه والحمد الله وفقت للطريقه سهله وهي
انك تغسلين شعرك بشامبوا بانتين الشفاف زين مررررررررهوتكررين الغسل اذا ما طلع الزيت والريحه منه تكفيك غسلتين
وبعدها حطي على شعرك حمام زيت فاشكول وخليه نصف ساعه واغسليه ول طلع ريحه على مسأوليتي
واذا طلعتي من الحمام رشي عطر مره وحده على المنشفه وبس


لاتنسيني من الدعاء يا اخيتي في الله

ما قصروا البنات
بس عندي اضافة بسيطة
انا ما انصح وحدة متزوجة تستخدم الحلب والثوم
الا في وقت النفاس( والا تراه ما ينلام اذا تزوج وحدة ثانية)
وبعدين فيه الف طريقة تعتنين فيها بشعرك غير الحلب والثوم
بتلاقين وصفات كثيرة بهذا الركن0
وعموماً فيه عطورات للشعر و شامبو وبلسم بالشاي الاخضر وبالزهور تلاقينه عند
(ذي بودي شوب)بصراحة يخلي رائحة شعرك روووووعة
لا تنسيني من دعائك
اختك شــهــد