من توفق راسين بالحلال وتكسب الاجر؟؟

سلام الله عليكم

يقولون العالم اصبح قرية صغيرة
و مع هذا صار الجار ما يفكر يدق باب جاره ..و لا يصل حتى ارحامه
واضح انه عدد البنات زاد عن الرجال وصارت فرص الزواج قليلة وكثير من البنات في البيوت ينتظرن النصيب..وكان سبب من الاسباب ضعف العلاقات الاجتماعية
انا اقول ليش ما نتعارف اكثر عبر المنتدى..ونيسر بعون الله هذا التقارب
يعني اكيد كل وحده فينا الا ما يكون لها اخ او قريب طلب منها تشوف له بنت الحلال
وهي تحتار وتخجل من ترشح له من البنات
انا يا خواتي حبيت اساعد صديقه لي ..هي بنت والله تنحط عالجرح يطيب
من عايلة يمنية كريمة وميسورة الحال عايشة في الامارات..وعايشة بنعمة الله يديمها عليهم..في العشرينات من العمر.
جميلة...ست بيت وهبة ريح..ومثقفة..والله لو لي قريب كان خطبتها له. ..اشوفها واقول والله انهم عميان واقول في خاطري والله حظك قليل؟؟؟؟
مدري ..من تكسب اجر فيها وتوفق بينها وبين اي قريب لها يريد الستر..
مش مشكلة اعزب او مطلق المهم يخاف الله
وش رايكم نحل مشكلة تأخر سن زواج البنات عبر المنتدى..والله يكتب لنا الاجر ؟؟؟؟؟
ليش ما نفكر انه في بنات يريدن السترة وخاطرهن يصيرن امهات..ويمكن بيدنا نيسر بعون الله زواجهن
انتظر تواصلكن