اذا هو هربس في الفم فهو بسيط باذن الله علاجه يطفش شوي
بس المضاد ماراح يفيد لانه فايروس
ولادي عمرو سبعه شهور وانفجعت وفمه طلع فيه حبوب مايقدر ياكل منها وولع نار
اعطاه ابرتين مضاد انصرفت في يومين ودواء اسمه فايروسات العجيب في الدواء قالي ماراح تلقي منه شراب خذي حبوب اقسميها لالنص ودوليها في مويه مقدار اتنين ونص واعطيه مرتين باليوم لمدة ثلاث ايام لانه يعتبر مره صغير مع خافض حرارة كل اربعه ساعات


والحمدلله راح قالي اعطيكي شراب مضاد حتقعدي اسبوع والسخونه حتبهدلوا خذي حقن
وجعت اقول لزوجي دكتور مو صاحي وعلاجه غريب بس تعافى الولد😂😂😂😂

تطمني انا كنت مثلك يوم قال لي الدكتور أن فبنتي خفت وضاق صدري .. الهربس يجي من الحرارة المستمره القويه انا كانت حرارتها 40 وماتنزل حتى مع الخافض بعدها بكم يوم جاها.. حبيبتي كانت تبكي طول اليوم ولاتاكل حتى المويه اشربها بالشفاط بالغصب ..شوفي بقولك على شي سويه من اليوم وبإذن الله يومين ثلاث بيخف وبتبدا تتحسن حطي في فمها طحينه سايله رهيبه للحبوب الي فالفم مرتين ثلاث فاليوم وسوي خواء جواء وادهني فمها من جواء كم مره فاليوم وقبل النوم عشان يطول يلم القروح ويبعد الشمم عنها .. طبعا مع المضاد لانه ضروري اذا كان فيه التهاب يسبب الحرارة بس استمري على نوع واحد يكفي اما كل شوي مضاد مايمدي يمشي مفعوله لازم تستمرين لحد ماتنتهي المده المحدده له عموما الهربس يبي له اسبوع عشان يختفي تماما لكن ان شاء الله بتتحسن وتطيب على شوي شوي

وحدة اعرفها جا ولدها هربس لكن جلدي حبوب كل جسمه (وهو كان مصاب باالاكزيما) وحرارة عالية وراحت الحرارة بس ظل الهربس في جسمه وعجزت عنه سنوات طويلة وهي تجرب كل شي وراحت اشترت عسل اسمه مانوكا من موقع ايهيرب صارت تعطيه كل يوم ملعقة صغيرة والحمدلله تعافى 50% خلال شهر واحد والاطباء قالوا تعبان ماله علاج وقالوا خلل،جيني يعني بيعاني طول حياته والحين طلع لولدها شعر لان شعره طاح من التعب والحمدلله يارب تحسن، بس انتبهي اختي الهربس معدي اعزليها عن اخوانها او اي احد ثاني وبإذن الله شده وتزول

اختي المظاد مو كويس يتكرر كل شهر وحالت بنتك لازم تشخص صح وتعطئ العلاج المناسب انا انصحك بدكتور مصطفي بمستشفي الفلاح اذا كنتي برياض بحي الغبيرا دكتور ممتاز ومجرب نصيحه روحي له من بعد اكيد الدعاااء والاستغفار ويارب يعافي بنتك

• حبيبتي انا خبره في هذا المرض اطفالي اثنين اصيبوا قبل شهر بهذا المرض وهو على شكل حبوب يطلع لهم في الحلق وتحت الجلد مصحوب بحراره شديده وعلاجه شراب اسمه زافوراكس،ومرهم نفس الاسم وسبحان الله ماطابوا بعد الله الا بهذا العلاج .وعلى فكره هو مرض معدي وثاير يعني الشخص المصاب تتكرر اصابته في اي وقت انا اطفالي خلال سنتين اصيبوا به مرتين .