من جددد شئ يقهررر

اللي ذاق الحب والحنان ف بيته .. اللي تعامل امها معها من احسن مايكون .. اللي امها ما عمرها قصرت معها بحاجه.. اللي تحس بكلمه امي يوم تقولها ..

امانه حبيبتي لا تجي تتفلسفي .. راعي الناس مو كل البشر مبسوط مثلك وعنده ام تحس فيه
هيا م سبت امها ولا غلطت عليها هيا قالت اللي قاعد يسير من مشاكل ..مثل مالنا حقوق عليها هيا بعد لها حقووق علينا ..

مو خلاص ام يعني تجيب اطفال وترمي وتهمل .. بنات صغار ف الانستغرام بويات ولما اتعرفت عليها وحاولت اني اكلمها وابين لها انه انا مثل اختك و سالتها ليش تقولي م في احد يوجهني انا سويت كدا لنه مافي حب من امي

اوكي ما اقول انه هيا م غلطت بس تخيلو البنت عمرها 14 سننه برأيكم ايش اللي خلاها تسوي كدا غير امها ؟؟

ولا حتى سنه خامس ابتدائي وسادس ساروا يكلمو شباب ويخرجو معاهم اقسم بالله دا حقيقي وشفت كذا وحده ...وربي قلبي ينحرق عليهم

ماسار فيه وعي اقسم بالله ..

اناا ام خلاص اناا اهتم ببنتي واربيها واوعيها اعطيهها حب واهتمام يا امهااااااات مو يوم يطيح الراس بالفاس تقولو ياليت وياليت

البنت اذا حبت واحد من براا صدقيني هي حبت عشان فيه نقص حب واهتمام اما اذا لا والله معطيتها حب واهتمام حتى لو غلطت يبقى انتتي زرعتي فيها الشي الصح علقتي قلبها بربها وهيا ما اراح تسوي شي غلط او حتى اذا سوت حترجع للصح من ثاني ترجع للشئ اللي اتربت عليه


اناا عايشه بين دول البنات و ماقد شفت بنت تكلم الا وهي محرومه من حنان امها ورحمه ابوها والاغلب يكونو مراهقات وصغيرات ف العمر
اناا صح محرومه من حنان امي وحضن ابويا لكني مشتريه دماغي واعرف دي السواليف وش نهايتها وانا بتكلم دحين و بقول اللي ف نفس كل بنت تقولو لأمها وماقدرت تقولو لامها..

اماااانه ي امهااات اصحووو عندك بنت لا تتعاملي معها بشك وتفتشي جوالها وتدوري ف حاجاتها لو سويتي كدا اقسم باللي خلقك وخلقني حتسوي الغلط ..حيجي الشيطان ويقولها انتي منتي قاعده تسوي شي وامك تشك فيك هيا سوي م عليك

اكسبي بنتك وحاولي تكوني صديقتها مو امها عيشيها بحب عيشيها بحنان لا تسبي ولا تضربي وتدمري نفسيتها ترا المجتمع مو ناقص نفسيات..انتي مسئوله عنها ومحاسبه يوم القيامه ..ارحمو من في الارض يرحمكم من ف السماء