مرحبا بالعضوات الرائعات00000
00000000
00000000000
ياللي عشت معكم أيام قليلة ماضية بس كان لها نكهة خاصة!!!
000أيام استمتعت فيها معاكم00بنشر قصصي الخيالية والتي تحمل في ثناياها شخصيات وهمية000قد تلامس واقع البعض00والحمدلله لقيت صدى لم أكن أتوقعه أبدا00لأنه بالرغم من مرور سنوات لي وأنا أكتب في المنتديات إلا أن هذه هي المرة الأولى التي أطرح فيها موضوعاتي بشكل قصص وبأسلوب كوميدي نوعا ما! وطبعا يسعدني جدا أن هذه الشخصيات أدخلت السرور على أنفسكم وصاح البعض يطالب بالمزيد فانفرطت السلسلة ونتج عنها:
المستشارة خرافة الأزلي000
جدتي شعيبية000
مها وفيصل00(ومدري ليه عجبتكم أكثر ياحبكم يالنسوان لمطالع خصوصيات الغير!!!!!!!!!)
واليوم نكملها بس مع شخصية أمل+وليد000(التغيير مطلوب!!)بس قبل ماأبدأ أحب أتوجه بالشكر الجزيل000لكل من: قرأ موضوعاتي
أو شاركنا بردوده، أواطّلع على مدونتي، او راسلني، أو دعمني بكلمات تقطر كالشهد00
0000000
000000000000
نجي لقصتنا اليوم000
شخصياتها:وليد زوج ثلاثيني00كاااااااااااان يامااااكان رومانسي بس عهده بالرومانسية مثله مثل أي رجل شرقي 00أيام الخطوبة إلى أول سنة زواج!!!وإن كثروا لسنتين ثانية 00بس يرجعون يطلعونها من قفاتك السنوات اللي بعدها!!! متقلب المزاج،عنيد،ثقيل،شايف نفسه حبتين،يحب يتخذ قراراته بنفسه،كلامه قليل،يحاول يتجنب المناقشات!! بس بالرغم من هذا كله باقي فيه مرقة!!!!
أمل:امرأة عشرينية00خجولة نوعا ما
حساسة،تتصنع الثقل بس الحقيقة مافي أخف منها،ناجحة اجتماعيا ومحبوبة،لطيفة المعشر،عاطفية تبحث عن الحب ولو في عين بس!!مياو مياو!!
0000000
00000000
وفي يوم من الأيام كان زوجها بالشغل وهي من الصباح قاعدة على النت تفرفر بهالمنتديات00وكعادتها وعادة كثير من البلقيسيات اللي قاعدين يقرأون هالموضوع الان00قسم الحياة الزوجية له النصيب الأكبر من الإطلاعالمهم00بنت الناس عبت راسها من النصايح وطرق كسب الزوج وقالت لنفسها ياأمل اضغطي على نفسك شوي وسوي لك كوكتيل من التنازلات
(50%من الكرامة+40%من عزة النفس+60%من الثقل)00واذا تنازلتي عن هذه الأشياء بالنسب المذكورة سابقاً فلعل وعسى00تجيب نتيجة!!!
(ها موتروحون تطبقونها ومن بكرة تجون تنشبون بحلقي!!!)
وفعلا انطلقت ضبطت غداها وبخرت بيتها00وسنعت عمرها وجلست تنتظرهإلى أن عاد سالماً إلى منزله!!
وفتحت له الباب قبل مايدق الجرس!!
(مستعجلة على إيش ياحظي مدري!!)
وطبعت قبلاتها عالخدين وقامت ترحب
ووليد صامت لاينطق ببنت شفه!!!!
ودخل للغرفة وهي وراه00جا يبدل ملابسه قالت أمل:عنك عنك والله مايخلعها لك إلا أنا!!!راقبها وليدباستغراب وقال في نفسه:
الحرمة ذي قاعدة تخطط لشي بعيد ولكن حريمتها توصل له!!
وقال لها:خلاص ياأمل روحي جهزي الغداء لين ماأتشطف وأجي0
وراحت جهزت السفرة اللي عليها أشكال وألوان00متبل+فتوش+شوربة عدس+برياني دجاج+ايدام بامية!!(يقطع اباليسكم شهيتوني)!!!!
وأقبل ولد الحلال وقامت وقفت له وسحبت له الكرسي عشان يجلس عليه!!وهو في ذهول ويقول لنفسه:
غريبة00تطورت منفوحة!!!!!!!
وقال باسم الله وجايشرب الشوربة الا أمل سحبت الملعقة وقالت أنا بأشربك وشربته، جا يمد يده للخبز قالت لالا أنا بأغمسها عنك وغمستها في الايدامو لقمته!جا ياكل سلطة قالت:والله ماتذوقها الامن يدي!!
وليدقام يبتسم وقال:ذكرتيني بما مضى!!!
عاد هو قال كذا أمل انشكحت!قالت (بس 00أكيد تذكر أيام شهرالعسل الحمدلله كأنه حركاتي بدأ يبان مفعولها)فقالت له:بإيش ذكرتك يادودي؟!
وليد:والله ذكرتيني بأمي!الله يمسيها بالخير وين ماهي قاعدة!!
أمل:هاااااااه؟!!!!
وليد:مسكينة كانت تلقمني وأعذبها بشقاوتي أنط من مكان لمكان وهي وراي تلقمني00كل همها اني ااكل00
أمل:لا رهييييييف قلبك ياولد00أقول كمل كمل أكلك!!(خلصوا الناس00يشبهني بأمه)00!!!وأكل وشبع وقال الحمدلله وجا يقوم00 نقزت أمل قالت:لا لا وين رايح؟!
وليد:بأروح أغسل شبعت الحمدلله
أمل:والله ماتروح انتظر!!
وقعد أخينا وقال اللهم اجعله خير وش راحت تسوي؟!
إلا أمل راجعة وبيدها زبدية ماء وصابون سائل ومنشفة وراحت تدلعه وهو يغسل ايدينه وتقول:صحتين وعافيه عاقلبك ابن عمي!!! ووليد مندهش ويقول:لا حشا إحنا في باب الحارة!!!!
راح جلس على الكنبة وهي ترفع سفرتها00وخلصت ورجعت وبيدها طشت موية دافية فيها ملح000
وطلع وليد وقال:خلاااااص عاد حلاوة هي؟!!!!توني غاسل ايدي!
أمل:أدري بس لسه مانقعت رجولك!
وليد بينه وبين نفسه يقول(أناأشهد إن هذا عصرالمعجزات)!!!! وقامت أمل وحطت رجلينه بالماء وقعدت تدلكهم وتمسجهم تحت الموية
ووليد هنا فتح فمه وقال في نفسه(أشك إن البنت هذي سعودية!!!!)
أمل:المفروض ياوليد إنك تعتبر نفسك سلطان زمااانك00
وليد:وليش إن شاء الله ياشجرة الدر؟!
عشان شوية موية وملح؟؟!!!
أمل:لأ00بس قعدتي عند رجلك استحق عليها مليون ريال!!!!
وليد:أوه00هوووه قامت حمده تتمنن!!
أمل:لا ماأتمنن،بس أبغاك تعرف انه اللي قاعدة أسويه ماأحد يسويه غيري!!
وليد:ليه حصرياً؟!ولا حقوق النشرمحفوظة لك!!!!!!
أمل:لاهذا ولاذاك00بس كنت أفتر على المنتديات وتطيح عيني على موضوع لإحدى العضوات تسأل فيه هل ممكن
تسلمين على رجول زوجك؟؟؟!!
فرد عليها44 عضوة كلهم ضد هالشي واللي وافقت منهم قالت بشرط يبوس هو رجلي بالأول!!!!!!!!!!!!
وليد:مو الله يسلمك00لو هالموضوع مكتوب بمنتدى نسائي سوري0أكيد0كنتي بتلاحظين ان الاجابات بتختلف!!!!!!!!!!!!(قوووووية ياوليد الوطني أحسن لك)!!!
أمل:طيب أنا بأوجه لك نفس السؤال اش بتجاوب؟!!!
وليد:طبعاً ياحبيبتي أكيد! هذي مافيها نقاش بأوافق طبعاً إنك تبوسين رجلي!!
أمل:لاتفرح مو هذا اللي قصدته000أنا أقصد هل بتوافق إنت إنك تبوس أقدامي؟؟!!وليد:أعوذ بالله مانقص إلا هي!!!!
أمل:عشتوا000!!!وليه ان شاء الله عالحرمة عادي00 وانتوا ماتتنازلون؟!!
وليد:والله أنا غير00أنا رجّال!!!
أمل:وخير رجّال00ايش على راسك ريشة؟!!!!(طبعا أيام زمان ماكان أحد يحط على عمامته ريشة إلا السلاطين)!
وليد:أقول هاتيها من قاصرها وقولي وش عندك؟!كل هالمعاملة الفندقية من الصبح وش وراها؟! سوق ماني مطلع!!
صاحبات احلمي تروحين لأحد اليوم!!استقبال جاراتك بكيفك!!لكن لاأسمعك تقولين جيب مقاضي!!!
أدري بك ياأمل ماتسوين شي لله!!
أمل:استغفرالله00وأنا من متى مصلحجية؟00إلا إنت اللي طول عمرك عبيط00ومايبان فيك معروف00يعني يوم اني قاعدة أدلع فيك استكثرت هالعز على نفسك؟!!!!!!!!!!
وليد:يحق لي أشك بالموضوع00من متى وهذي طباعك؟!ومافي أحد يتغير بين يوم وليلة00الا ووراه شي!!!
أمل:احترنا فيكم يالرجال!
إن بقينا بعيوبنا زعلتوا ولمتوا الزمن00
وإن تغيرنا قلتوا خير اش وراكم؟!
0000
000000
1-اش رايكم بالموضوع؟؟!!!
2-مين منكم مرت او سمعت بموقف مشابه
عن وحدة حبت تغير شي من نفسها وماعجب زوجها الموضوع؟!!
3-لو حسيتي انه فيك طباع مو حلوة هل عندك استعداد تغيرينها؟!
رماح ردينية @rmah_rdyny
محررة ماسية
يلزم عليك تسجيل الدخول أولًا لكتابة تعليق.
الموضوع حلو والتغيير مطلوب في الحياة الزوجيه بس الى ماتعود تصبر عليه اشوى لما يتعود وانا عن نفسي احب واعشق التغييرالموضوع حلو والتغيير مطلوب في الحياة الزوجيه بس الى ماتعود تصبر عليه اشوى لما يتعود وانا عن...
مشكورة على الرد
لا يمكنك مشاهدة هذا التعليق لانتهاكه شروط الاستخدام.
فعلا اكتب في منتدى بلقيس ونقلت موضوعي عندكم000
الصفحة الأخيرة
وانا عن نفسي احب واعشق التغيير