حاضرين للطيبين واتمنى لكم الفائده
الجدول فكرته انك تسوي جدول عادي وتوضحي فيه ايام الاسبوع بعدين بدل ماتكتبي الاعمال المطلوبه من الشغاله انها تعملها كتابه لا حطي صوره توضح العمل المطلوب يعني مثلا غسيل الملابس حطي صورة غساله وهكذا يعني ممكن اي وحده فيكم تسوي لها جدول خاص بالاعمال الي تبيها عن طريق برنامج الوورد.. والي ماتقدر وتحب اساعدها انا حاضره اذا توفرت عندي الصور .. والجدول هذا خاص فيني بس انا راعيت فيه اغلب الاعمال الي تتكرر في كل بيت (وعلى فكره انا عيلتي صغيره 3 أطفال وبيتي دور علوي وعزايمنا قليله جدا)
تفضلو الجدول واتمنى يعجبكم وتستفيدو
ولاحظو ان الاعمال تتكرر كل يوم وتكون بالترتيب يعني:
اول ماتصحى الشغاله الساعه 8 تبدا ب
1- كنس البيت 2- مسح سيراميك البيت 3- تنظيف الحمامات 4- غسيل الملابس 5- تساعدني في طبخ الغداء 6- غسيل الصحون بعد الغداء 7- تنظيف المطبخ كامل 8- ترتيب غرفالنوم 9- غسيل الصحون بعد العشاء 10- تنظيف الفرن 11- اخراج الزباله برى البيت .. بس وبعدين تنام الساعه 10 او 11
اما الاعمال الاسبوعيه بتلاحظون في الجدول كل يوم عمل مختلف :
السبت: تنظيف الثلاجه الاحد: تنظيف الابواب والشبابيك الاثنين والاربعاء : كوي الثلاثاء: تنظيف المجالس الخميس غسل الدرج مع الحوش
اما الجمعه مافيه عمل اسبوعي واخليها تتاخر شوي في النوم يعني تقوم الساعه 10
وبالنسبه للغسيل انا حاطه الغسيل يومي طبعا هي مو كل يوم تغسل بس ملابس ! لاينعي 3 أيام ملابس ويوم اطلع لها المفارش تغسلهم ويوم البطاطين وكذا..
وممكن انك تحطي فوق الجدول موعد نومها واستيقاظها يعني مثلا تحطين صورة سرير وفوقه شمس وجنبه ساعة منبه موضح عليها موعد قومتها مثلا الساعه 6 ... وفي الجهه الثانيه سرير فوقه هلال ونجوم وساعة منبه محطوطه على الساعه 9 مثلا ( بس انا ما عرفت اسويها:D)
واتمنى اني اكون افدتكم لو بشي بسيط وتكون وضحت الفكره