من جديد حمسات للنباتيين لذيذة الجزء 3 من 3 حياكم

السلام عليكم ورحمة الله وبركاته..



شحالكم بنات حواء؟؟ وأخباركم مع البررررررررد والطلعات؟؟


من فترة نزلتلكم حمسات لذيذة واليوم بعد بنزللكم حمسات لذيذة ومعتمدة عندي..


حمسات يميييييييي... حياكم الجزء 2 من 3


وهنيه بعد حمستين قبل مدة طويلة منزلتنهم..


حمسات خضار x خضار وبنص ساعة كل شي جاهز يمييييييييييي



طبعا فيه غيرها الكثير بس هذول اللي سويتهم بهالفترة..


وأحس اللي ضعفته بالرياضة رجعن مع الحمسات هاذي لوووووووووول


يالله خلينا نبتدي على بركة الله..



.



أولا: حمسة الباذنجان والملفوف..






هنيه كنت أول مرة أسويها اني أضيف الملفوف مع الباذنجان.. عادة نخلي البانجان بروحه.. أول شي حسيت انه ممكن يأثر الملفوف بطعم الباذنجان بس قلت أكيد بتطلع حلوة دام كميته قلية.. وبالفعل طلعت لذيذة وايد والحمدلله..


نحمس البصل لين يشقر شوي ثم نضيف البهارات المفضلة عندكم وطبعا الفلفل الأحمر المجروش والخردل وورق الغار هم اللي يحلون الوصفة أكثر..


بعدين نضيف الباذنجان ونخليه ينحمس معاهم شوي وبعدين الملفوف والطماط لين يذبلون..


ونتركهم يتسبكون ونقدمهم مع الرز الأبيض أو المجبوس أو بالخبز.. بكل الحالات حلوة.. هنيه كلته مع المجبوس يمييييي..




.




ثانيا: حمسة القرع ( اليقطين ) يمييييييييي..






نحمس البصل شوي ثم نضيف البهارات المفضلة مثل الكاري والكركم والكمون أهم شي والاختيارية الخردل ومجروش الفلفل الأحمر وورق الغار.. بس اضافتهم ع الحمسات تزيد من لذتها..


نضيف القرع المقطع ونحمسهم شوي مع اضافة ماي شوي حتى يسرع ويساعد بنضجه.. ثم الطماطم ونتركهم يتسبكون ونقدمهم مع الرز الأبيض أو الرز بالشعيرية او الخبز..




.




ثالثا: حمسة الباميا.. تغيير عن صالونة الباميا المنتشرة..







نحمس البصل واذا تحبون الثوم ممكن تضيفونه يعطي طعم حلو.. وبعدين نضيف البهارات المفضلة مع ورق الغار والفلفل الأحمر المجروش.. نحمسهم شوي ثم نضيف الباميا والطماطم..


نتركهم يتسبكون مع اضافة شوية ماي حتى لاينشف الباميا.. ومانكثر عشان لا تكون مثل الصالونة.. وتقدم مع الرز.. أنا كلتها مع الرز بالشعيرية.. بالعافية عليكم..




.



رابعا: حمسة البطاطس.. لمحبي البطاطس..







نحمس البصل مع البهارات المفضلة ثم نضيف البطاطس المسلوق والطماطم..


اذا نشفت الخلطة ممكن نضيف شوية ماي منها تسرع بالطبخة ومنها تعطي مثل الصوص شوي معاه..


لذيذة وهي حارة أمممممممم.. هنيه كلتها مع البرياني ياسلاااااااااام..




.



خامسا.. والأخيرة لليوم.. حمسة الفاصوليا بالطماطم..







نحمس البصل الجوانح مع الثوم والبهارات والخردل.. ثم نضيف الفاصوليا والطاطم ونتركهم ينحمسون مع بعض ونضيف شوية ماي لتسريع الطبخة وتعطي بعد صوص ثقيل..


يميييييييي لآخر حبة.. وكلته مع العيش الأبيض وسمك الكنعد المقلي..



..



ان شاءالله تكون حمساتي عاجبتنكم..


وببالي أجرب بعد كمن حمسة ماقد سويتهم..


وان طلعوا حلوين بحطهم لكم..


كله ولا النباتيييييييييييين ناسينهم شوي..


والله يعطيكم العافية..



.