من جديد( زوجي وأخته وطليقته) و(أنا )أرجوالدعاء التفاعل والنصيحة يا خبيرات

السلام عليكم يا أخواتي
منذ ما يقارب السنة طرحت الموضوع الموجود في الرابط التالي
http://forum.hawaaworld.com/showthread.php?t=288087
ولكن للأسف لم ينل التفاعل والاهتمام الكافي :icon33: لأنو أخواتي الحواءات كانوا كلهم بالإجازة ومسافرات ومشغولات :D مشان هيك ما كان في حدا بالمنتدي يرد علي :angry: مع الشكر للي ردوا
أخواتي بعد راس السنة نازلة إجازة للبلد وبنتي متوفية :( والدنيا صغيرة في عيني ومالي نفس لا لفرح ولا لمشاكل :( ولكن للاسف المصايب تيجي الواحد وهو في بيته فأخت زوجي حتى الآن دايرة مع طليقة زوجي من بيت لبيت ومن مناسبة لمناسبة وبيت حماي اهل زوجي ساكتين مو متجرئين يحكو كلمة ولما عاتبها أبوها قالت له مافيها شي وعادي والبنت (طليقته)مو مفكرة فيه؟؟؟؟؟؟ وبعدين تامو( الله هيي انا) مو هون لما بتيجي تامو بحاول ما اجمعهن مع العلم ان البنت ما بتقربنا يعني والله لو بنت عمه أو بنت خاله بقول وجودها مفروض بس هيي بتكون أخت زوج بنت أخته الشريرة :30: ولحد الآن ما تزوجت مع إنو قصة طلاقها من زوجي صار لها أربع سنوات والبنت الله يستر عليها من النوع الجرئ زيادة اللي ما بهمه شي بحيث بتيجي وبتشوف اهل طليقها اللي بيعرفوا كل البلاوي اللي صارت بيناتهم وقت الخطبة وهيي مو ماممها حدا ؟؟؟؟؟؟
يا بنات لو قابلت اخته بالبلد شلون أتصرف علما بأنها العام الماضي عملت مشكلة بيني وبين زوجي كادت ان تصل للطلاق(شوفو الرابط في الأعلى ) وزوجي وقف ضدي وشرشحني امام أهله ومسح فيني البلاط وافترى علي وقال لهم زوجتي بتحرضني أقاطعكم وأقاطع اختي وووووووالخ وما دخلك إذا إجت طليقتي عالبيت ومن هالكلام اللي محفور حفر بذاكرتي وما عم بقدر انساه صغرني امام أهله وأهانني مشان يرضي أخته :(
المهم في العام الماضي اخته ما إجت زارتني ولا عزمتني لعندها ولا ودعتني ولما توفت بنتي الله يرحمها اتصلت عزت بكلمتين وصوتها ما عم يطلع
شلون بدي اتعامل معاها وبعدها دايرة مع طليقة زوجي من مكان لمكان وبتجيبها لمناسبات عيلتنا ولوسط بيوتهم وبتستبعدني أنا يعني بعدها معلنة الحرب علي وهي قوية ومتسلطة وبتحكي اللي بدها ياه وما بهمها مشاعر حدا لدرجة وصلت فيها الوقاحة إنها تقارن بيني وبين طليقة اخوها بلاسم وأمامي وامام أمها واختها وماحد متجرئ يحكي كلمة ويوقفها عند حدها حتى زوجي بيخاف منها
لا اعتقد إني راح اروح ازورها حتى لو دعتني لإنها العام الماضي ما إجت زارتني مع إني ناقشت الماجستير ولا إجت ودعتني حتى بنتها (اللي طليقة زوجي بتكون أخت زوجها ) ما إجت شافت خالها يعني بالحساب صارلها تلات سنين ما شافت خالها تصوروا الحقد وقسوة القلوب حتى زوج أخت زوجي شافني مرة وما سلم علي يبدو زوجته عاطيته درس مرتب لحتى أخذ موقف
أنا حابة أورجيها إنو إلي شخصية وموقف وما بسكت على كرامتي وهذا السبب في إني ما بدي أزورها مو قطيعة لا سمح الله بس والله العلاقة مع هيك أشكال عالخفيف احسن لإنها داهية ومكيودة ولا بتستحي ولا بتخاف ولا بيهمها بتعمل اللي بدها ياه لذلك خليني اخفف علاقة معها أأمن لشرها خليها بس تلفونات ولقاء عند أهلها والله بعد كل لقاء معها كنت أطلع ودموعي تغسل وجهي على قد ما كانت تهينني وتجرحني بأسلوبها السخيف والمبطن أمام أهلها وماحد مسترجي يرد وانا ماسكة لساني مشان زوجي وخوفا من المشاكل
حسبي الله ونعم الوكيل
حسبي الله ونعم الوكيل
بنات أنا طالبة مشورتكم
شو رأيكم باللي صار
وشو رأيكم باللي ناوية أنا اعمله ولو كنتو مكاني شو بتعملو
الله يخليكو خواتي النصيحة ثم النصيحة ثم النصيحة والدعاء
أختكم تامو