كبسة رز بالشعيرية والدجاج مع الخضار :a_smil08:
المقادير والطريقة معا :
يقطع البصل الحجم الوسط قطع صغيرة ثم يكشن مع زيت
يفضل انه يكون كثير شوي عشان يصير الرز نثري ومفلفل
المهم يكشن ويضاف له ملعقة شاي صغيرة من السكر ( سر النكهة )
ويستمر بالتحريك الى ان يشقر لون البصل وهذي نقطة مهمة جدا ..
بعدها يضاف قطع الدجاج المنزوعة الجلد ويحرك الى ان يتغير لون الدجاج
ثم يضاف له خلطة عصير الطماطم ( الخلطة الخاصة ) ..
ومكوناتها ( طماطم متوسطة _ نعناع _ فلفل اخضر
شبث _ كزبرة خضراء _ صلصة _ بهارات مشكلة _ فلفل اسود ( ضروري يكثر منه )_
2 _ 3 مكعب ماجي او ملح ) ..
( كما سمعنا بأنه الماجي مضر بالصحة الله يحفظنا واياكم )
بعد اضافة خلطة الطماطم نحرك الدجاج مع الخلطة ثم
نضيف عليه الخضار المغسولة جيدا والمقطعة
الى شرائح عريضة ...
( بطاطس _ كوسة - باذنجان _ جزر ) ..
ونحركهم ونخليهم يتسبكون شوي ثم نضيف المنكهات ( قرفة عدل _ ليمون اسود عدل ) ..
ونسكب عليهم الموية لحد فوق نصف القدر اهم شي ينغمرون بالموية ..
وبعدها نخليها ع النار لحد ما يستوون نص استواء ثم بعدها
نضيف الرز المنقوع جيدا ( كمية الرز حسب اعداد افراد العائلة )
ثم نضيف عليهم ايضا الشعيرية المحموسة والشعيرية تقريبا ربع الكيس نحمسه
بالزبدة او بالسمن او بالزيت ( سر نكهة الكبسة كلها هي بالشعيرية المحموسة
اممممم تعطي نكهة وطعم يجنن من جد خياااااااال الطعم )
وضروري جدا تكون المرقة فوق الرز والشعيرية تقريبا 2 - 3 سم
عشان يصير الرز نثري ومفلفل ;)
نخليه ع نار وسط لحد ماينشف الماء ثم نوطي عليه النار
ونخليه يستوي تماما يعني تقريبا من نص - ساعة ..
ويغرف ويقدم بالصحن ..
وبالهنااااااااااء والعااااااااااااافية ..
