باصرين :

هذا موقف من المواقف الكثيره المحرجه اللي حصلت لي عاد انا ياكثر مواقفي ودايما اخواتي يقولون لي ركزي دايما قبل ماتسوين شي بس وش اسوي دائما مفهيه المهم هذا الموقف صار لي في زواج قريب لنا جايه انا وخواتي الثنتين وبنات خوالي وامهاتنا في الاستقبال يرحبون بالضيوف المهم رحنا جلسنا على طاوله وشوي ويبداء الطق وانا اقول لهم قوموا نرقص وهم يقولون لا خلينا بدري شوي وانا اعاند واروح لحالي وشوي ما حسيت بنفسي الا وانا تحت الطاوله وربي في غمضة عين صرت في الارض ورجل في اليمين ورجل في اليسار وارجع ابي اقوم وازحلق مره ثانيه ونفس الحكايه بعدين قلت يابنت شدي حيلك وقومي واقوم وانا مفهيه احس ان الدنيا كلها ابيض في ابيض واقول في نفسي ارجع اجلس على الطاوله والا اكمل انطلاقي للمنصه وقررت اني اكمل مشواري اللي احس انه مو ثواني الا ساعات واطلع الدرج اشوي الا عجوز كبيره وراي طاحت في نفس المكان وفكرت اساعدها وقلت يابنت هل المكان مو سالم وجو بناتها وساعدوها وطلعت المنصه وارقص واخواتي مبقبقين عيونهم وبنات خوالي يطالعون يقلون ذي مو صاحيه لها وجه ترقص واشوي وانا ارقص الا اقابل العجوز في وجهي ونرقص مع بعض وفيني الضحكه وكاني اواسيها وتواسيني هههههه ويوم خلص الطق وانا انزل واكتشف ان سبب زحلقتي انا والعجوز المسكينه زيت ينقط من الاجهزه المعلقه في السقف واروح مسويه معصبه واكلم المشرفه على القاعه واجيب وراي عامله علشان تنظف المكان ومسويه نفسي قويه وما هزني شي وانا من جوه ودي الارض تنشق وتبلعني ورجعت جلست وخواتي يتريقون يقلون قلنا بك انثبري وما سمعتي الكلام تستاهلين وكملت باقي الحفله وانا مبسوطه ولا كان شي صار للحين مستغربه كيف جتني قوة الاعصاب سبحان الله .

هذا موقف من المواقف الكثيره المحرجه اللي حصلت لي عاد انا ياكثر مواقفي ودايما اخواتي يقولون لي...