من جديد ......ملتقي الأحبة

wafaa_2006wow • 18 سنة

صباح الخير عليكم جميعا
انتم لسه نايميين ياكسلانين
النهاردة يوم اجازتى
قلت اقوم بدرى اشرب معاكم الشاى
ولا واحة صاحية
كله نايم وقافل عليه حجرتة
يلا خلينى قاعدة لوحدى من غير دوشة

الموحدة4 • 18 سنة

wafaa_2006wow :

صباح الخير عليكم جميعا انتم لسه نايميين ياكسلانين النهاردة يوم اجازتى قلت اقوم بدرى اشرب معاكم الشاى ولا واحة صاحية كله نايم وقافل عليه حجرتة يلا خلينى قاعدة لوحدى من غير دوشة

صباح الخير عليكم جميعا انتم لسه نايميين ياكسلانين النهاردة يوم اجازتى قلت اقوم بدرى اشرب معاكم...

السلام عليكم ورحمة الله وبركاته
أنا جديدة نوفى على المنتدى وحبيت أنضم لمنتداكم وتجمعكم الظريف
دى تانى مشاركة لية أول مشاركة كانت بعض أعمالى من الكروشيه
أعرفكم بنفسى أسمى نهلة من الأسكندرية معلمة رياض أطفال عملت بمدارس بدر فى الرياض مدة 8 سنين وبعدين رجعت أسكندرية علشان مدارس الولاد
أه نسيت أقولكم عندى 4 أولاد بنتين وولدين
ولد وبنت فى تجارة الأسكندرية وبنت فى ثانوى وولد فى رابع أبتدائى
بس أنا مش كبيرة عمرى 39 سنة بس أتجوزت وعمرى 19 علشان كدة تلاقونى عملت عزوة بدرى بدرى
يارب أكون خفيفة عليكم

wafaa_2006wow • 18 سنة

اهلا بيكى يانهلة منورة المنتدى
انا اسمى وفاء
وعندى 44 سنة بس ماتقوليش لحد
وقربت ابقى جدة
عندى ولدين بس
واحد خلص تجارة وخطب وبنجهزلة الشقة
والتانى لسة فى معهد كمبيوتر
وانا من مدينة الشيخ زايد ب6 اكتوبر
مرحبا بكى اخت عزيزة علينا

نادية عبد الحي • 18 سنة

نهله

اهلا بيكي في منتدانا وتجمعنا الجميل حتتبسطي في وسطنا احنا فعلا شقيقات

انا ناديه من المحله الكبري اعتبر اكبر واحده 48 سنه عندي ولدين مثل وفاء

مهندس مدني ومهندس كهرباء الكبير خاطب وبنفرش شقته حيدخل في الصيف

معايا بكالويوس تجاره ولا اعمل ست بيت

اهلا بيكي منورانا

wafaa_2006wow • 18 سنة

صباح الفل يانادية عاملة ايه
وحشتينى