السلام عليكم ورحمة الله وبركاته
كيفكم ياحلوات لكم وحشة من زمان عن هالقسم واليوم جايبة لكم كذا طريقة للكيك وحلى بارد من زماااان بجهازي لها تقريباً سنة واليوم تشجعت وقلت أنزلها لكم إن شاء الله تنال إعجابكم وتستفيدون وأهم شي ماتنسوني من دعواتكم نروح للموضوع...
نبداء على بركة الله
ماشاء الله تبارك الله
7
7
أو ل طريقة هي كوفي كيك مرررررره لذيذة أنا عدلت بالوصفة الأساسية بدل ماأغطيها بكريم كرميل ونسكافية غطيتها بالتوفي وحليب نسلة وطلعت مررررره لذيذة
المقادير والطريقة
1- كاس لبن ...ملعقة كبيرة نسكافيه ...ملعقة صغيرة فانيلا ...خمس بيضات ...اربع فناجين سكر... نصف كاس زيت ...
-2- كاس وربع دقيق منخول ملعقة وربع كبيرة باكينج بودر
الطريقة
نخلط المقادير الاولى في خلاط الكاس حتى تتجانس ثم نضيف مقادير رقم -2- ونخلط حتى نحصل على خليط سائل
يصب الخليط في صينية ذات قاعدة متحركة مفتوحة من الوسط وتخبز في فرن حار على نار هادئة حتى تنضج الكيكة ثم تغطى لتبرد
تقلب الكيكة في صحن ثم نضع مقادير الخلطة وهي حليب نسلة وتوفي وزينيها بالهيرشي وبالف عافية لكم الصور
SAM_2015
بعد مانضجت
SAM_2018
SAM_2026
SAM_2038
وهنا بحليب النستلة أنا ماكثرت حطيت قليل عشان المنظر أحلى
SAM_2043
وهنا بعد التقطيع
SAM_2047
خلصنا من الطبق الأول نرررروح لثاني وهي كيكة النسكافية جربتها قبل سنة تقريباً وكانت مره لذيذة وعجبت جارتي وعلى طول أخت الطريقة لأنها لذيذة >>تبي تغريكم
المقادير والطريقة
ضعي في الخلاط
3 بيضات..كاس سكر..رشة فانيلا..وإخلطيها زين..وضعي فنجان شاي زيت وإستمري بالخلط أضيفي نصف كاس حليب سايل..ملعقة كبيرة نسكافية..وملعقة كاكاو..إخلطيه لين يتجانس الخليط ثم أضيفي كوبين دقيق..وملعقة كبيرة بكنج بودر وبعدين ضعي الخليط في صينية مدهونه ومرشوشة دقيق وإخبزيها في فرن حار على نار هادية لحد ماتنضج وبعد ماتطلعينها من الفرن وبعد ماتبرد إقلبيها على شبك وإحشيها بخليط الدريم ويب وبسكوت الأوريو ورجعي الطبقة العلوية من الكيك وضعي التغطية وهي في حمام مائي جالكسي سادة وقشطة وخليها لين تبرد وقدميها مع القهوة راح تعجبكم حيل أخليكم مع الصور
SAM_1560
SAM_1550
نروح لطبق الثالث وهي الكيكة السمراء المحشة هالكيكة كلمة ررررررروعة قليلة فيها وسويتها أكثر من مرة وكل مرة تطلع أحلى بجد يابنات لذيذة لحد الأدمان..
المقادير والطريقة
6بيضات 1ونصف كاس لبن 1ملعقة صغيرة فانيليا 1كاس سكر 1كاس زيت
كاس دقيق أبيض 1كأس دقيق أسمر 1ونصف كبيرة بكنج بودر
أنا مرة ماكان عندي لبن وإستخدمت زبادي وطلعت بعد روعة
تخلط مقادير أ بالخلط ثم توضع على مقادير ب وتخلط جيداً وتصب في صينية مدهونه ومرشوشة دقيق وترش بقطع جبن الكيري وتخبز في فرن حار على نار هادية لحد ماتنضج وتسقى بالشيرة وبالعافية
SAM_3653
SAM_3655
يتبع ياحلواااااااااات
هنا صلحت الكيكة السمراء بصينية مفتوحة من الوسط وطلعت روعة
ماشاء الله تبارك الله
7
7
7
SAM_4017
وبالعافيه لاتفوتكم جربوهااااااااا..
الطريقة الأخيرة كب كيك الشوكلاته أخذت طريقته من منتدى ثاني سهله ولذيذ
المقادير والطريقة..
3 بيضات..كاس وربع سكر..رشة فانيلا.. تخلط جيداً ثم يضاف إليها نصف كاس زيت ..
ثلاثة أرباع كاس حليب سائل.. ثم يضاف عليها كاس وثلاثة أرباع الكاس دقيق منخول..
2 ملعقة صغيرة بكنج بودر.. ورشة ملح ..3 ملاعق كبير كاكاو
تخلط جيداً وتصب في أوراق الكب كيك بعد وضعها بالصينية وتوضع بالفرن وماتطول باالفرن أقل من نصف ساعة ممكن بعد ماتنضج تغلفينها بنوتيلا أو ترشيها سكر بودرة أو تزينيها بفرامسيل
SAM_3972
SAM_3981
وبالعااااااااافية هذي كانت أخر وصفة لكيكاتنا إن شاء الله تنال إعجابكم..
نروح للحلى البارد هالحلى صارلي 9 سنواااااااات وأنا أصلحه ماينمل منه وكل من ذاقه عندي حبه ينفع مع العشاء ومع القهوة وأهم شي إنه لذيذذذذذذذ وسهل..
المقادير لحجم الصينية الكبيرة..
بسكوت شاي..كاس سكر..3 كاسات حليب سعوي ممكن تحطي حليب جاف وموية ..ظرفين كريم كرميل..علبة قشطة..
التغطية دريم ويب..
الطريقة نغمس البسكوت بالحليب ونرصه بالصينية طبقتين أو 3 طبقات..
نسيح السكر لحد مايذوب
SAM_4047
نضع الحليب راح يتكلكع السكر لكن مع التحريك راح يذوب
SAM_4049
بعد مايذوب السكر وإذا قعد قطعة ماذابت إرميها المهم بعد مايذوب السكر مع الحليب نضيف الكريم كرميل والقشطة
بعد مايغلي الخليط نضع الخليط على البسكويت
SAM_4057
وندخلة الثلاجة لين يبرد وبعد مايبرد نصلح دريم ويب ونضعه على الطبقة الثانية
SAM_4073
ونخلط كاكاو مع مويه باردة ونضعه على الدريم ونحركة بشكل طولي لين تصير مثل الرخام
SAM_4082
وندخلة الثلاجة لحد ماتبرد ونقطعها وبالعااااااااافية عليكم وهذا الشكل النهائي شوفو الطبقات كيف تشهي...
SAM_4098
شوفو كيف عزززززززززززااااااااااااااب على قوله هموسه
SAM_4101