الله يعينك ويرشدك الى عمل الصواب ويرشد زوجك ايضا الى فعل الصواب ويحفظكم من كل سوء انتى وزوجك وعيالك

واعذريني مقدما على ردي القاسي

إذا هو متزوج فانتي بخير وكوني واثقه من ذلك ( هي بس مجرد فترة معينه وراح تعرفين )
وابغى اقول للي قالت انه مو من حقه يتزوج هي غلطانه لان الشرع محلل للرجال الزواج باربع
وصراحه يااخت احس ان اغلب كلامك متناقض
ولاحظت انك كررتي كذا مرة ان الحريم اغبياء ومساكين وانك ذكيه وعبقريه
وانا اشوف ان ذكائك مافادك وجايه طالبه المساعده من.............الاخوات
وبالتوفيق

ليش يا بنات تقسون عليها... هيه مجروحة ومتألمه عشان جيه تتخبط.. وما عارف شو السبيل

كبسوله كلامج صحيح... هيه لازم تهدأ وتوكل امرها لله

لكن كل شي بهدوء

ضاعت ايامي.. حبيبتي... اهدي.. محد خسران غيرج.... كثري من العبادات وان شاء الله بتتيسر امورج

اما انج تتجسسين عليه وتتبعينه وتشتكين للناس يا اختي ما منه فايده ويقلل من قيمتج جدامهم

خليها على ربج.. وهوه اللي بياخذ حقج لو كان زوجج غلطان.. وربج اللي بيرده لج.. لا فلان ولا علان ولا حتى انتي نفسج تقدرين تردينه إذا ربج مو رايد...

اهدي حبيبتي واذكري ربج.. وكثري من الصلاه والقرآن .. كل ما يتج فكره وهو بعيد اقري قرآن وصلي ركعتين.. وكل ما يتج الفكرة وهوه معاج... استعيذي من الشيطان واستغفري في خاطرج

والله يهدي سرج ويرجع لج زوجج يارب.. ويحفظه حق بيته وعياله

اقول اظن مابقى الا المصارحه ,,,,,,قوليله بلعربي انا عارفه كل شئ وانفجري في وجهه وعطيه كل الي عندك بس لاتبينين انك شاكه خليه يحس انك متاكده من كلامك وقوليله لي مصادري واخر كلامك ان الحلال ابرك واذا حاس انك مقصره انك ماعندك مانع تزوجينه .
وهوحيعترف ..............واسال مجرب

الله يعينك اختي ويااارب يرجعلك زوجك ويسخه لك ياحي ياقيوم

حبيبتي الأوراق الرسمية اللازمة لإتمام كل زواج
الجواز أو صورة عنه و6 صور
وخلاصة القيد مادام الخلاصة عندج ما أعتقد انه بيقدر يتزوج لأنه لازم يتوثق هالزواج وهذي الأوراق الرسمية ضرورية
وإذا ما سجلهم الدولة ما بتعترف فيهم ولا في زواجهم ولا أولادهم ولا لهم حقوق مواطنين
و أكيد إذا أجنبية بتكون على إقامته


وإذا كنتي خلاص تعبانه من هالسالفة حطيه جدام الأمر الواقع وواجهيه ليش معذبه نفسج هالكثر!!