معرووفه الألماس غاااااااااالي لما تشترينه ولما تبيعينه مايجيب لك شي رخيييص

بس مع كذا احب الألماس واشتريه لأنه وقتها ماافكر فيه اني ابيعه يعني اشتريه لنفسي مو مهم يجيب لي شي وقت البيع


بعد الذهب الأبيض مو شين حلو

صحييييييييح الخبر لان الالماس لما تشترينه غالي والعكس صحيح

صحيح اختي
الالماس والذهب الابيض وقت البيع ما يجيبوا لك نص المبلغ
لذلك انصحك بشراء الذهب الاصفر
قيمته تزيد ما تنقص

المشكلة اختي مو في الالماس ولا نوع الذهب ..

المشكلة في الدقة..

يعني الذهب الاصفر 24 و21 يحتفظ بأغلب سعره اذا ماكان فيه فصفوص وغالبا مايركب عليه فصوص..

اما اللي دقته 18 يركب عليه الفصوص..وهو سواء ذهبي او تم تغيير لونه بالزئبق الى ابيض فهذا يخسر لانه يسقط منه قيمة الفصوص اللي يقدرها الصايغ وطبعا اغلبهم يخسفون خسف..

هذا غير ان للأسف كثير يبيعونه على انه ذهب ابيض اصلي(بلاتين يعني وهذا سعره اغلى) وبعدين تكتشفين انه قلب لونه ورجع اصفر..يعني تشترينه غالي لانه بلاتين وتبيعينه رخيص لانه ذهب اصفر مطلي وبرضه يخصمون وزن الفصوص...


نجي للألماس..طبعا الحجم والتدوير والنقاء له دور..لكن دقته على الطقم لها دور..

يعني اللي تشوفينه مركب تلزيق مثل الحبات الصغيرة..او داخل اطار مثل الباجيت هذا ما يجيب شئ..لانه ما فيه امكانية لإعادة صياغته لان لو بيحاولون فكه تتكسر الالماسات..يعني حتى انت ما تقدرين اذا مليتي تغيرين شكله..وغالبا يبيعوه بالوزن ويحسون وزن الفصوص هنا على انها ذهب علشان كذا تخسرين..

وهذا الفرق بين الالماس والزراكون اللي ينقصون وزنه من قيمة الطقم ..

اللي يسوى قيمته هي الطقوم اللي تجي الماساتها مكلبشه من الجوانب بزوايا ..ان شاء الله اكون عرفت اوصف شكلها..هذي ماتخسرين كثير..لانهم ممكن يفكون الالماس ويوزنه لحاله وتحسب قيمته الماس ويوزنون الذهب بعد بسعره ..واذا ما اعجبك السعر ادفعي قيمة الصياغة وسويه شكل جديد..

وعلى فكرة الالماس يباع بالسوم مو بالوزن..


..واذا احترت وقت الشراء ممكن تاخذينه الى شيخ الصاغة قبل لا تشترينه وتسألين عن جودة الطقم ويعطونك ورقة مختومة بهالشئ..



ادري طولت ..بس من كثر ما انلعب علي وقت مابعت ذهبي ما ابغي غيري يصير له مثلي..


حتى فكرت انزل موضوع بهالشئ..

ارحمني يارب مشكورة على التوضيح

بارك الله فيك