من جد انا جربته رااااااااااااااااااااائع برغم ريحته ..ايه اقصد الموسوعه

قبل ادعو لي ان الله يفرج كربتي
دعيتو
يله ابدو بسم الله.....
الحريم اللي استخدمنه وشعورهن باهته ومتقصفه ورايحه فيها  مع اول استخدام لاحظن ان شعورهن شوي هاه فيها رجا ... وبعد اسبوعين تحسنت الوان شعورهن وطلعت لهن شعيرات صغنونات بالاوديه اللي بروسهن .. وبعد ستة اشهر زاد طول هالشعيراات وصارت شعرااااات وتغطت الفروه بشعيرات جديده .... وبعد عام   صارت شعورهن قويه ولماعه وطولها زين. )
يعني مايستفاد من هالكلام :
1.انه زين مررررررررره
2.انه يحتاج صبر واستمراريه
3.ان ريحته خايسه
ايه اقصد البيض .....
هذي الخلطات جربت اكثرها وصدقوني والله طول شعري وزان لونه وراحت التقصفات بس الله الله بالاستمراريه
للشعر الدهني
باننا نفصل الصفار عن البياض وناخذ الصفار وندلك به الفروه 5 د ونغرق الشعر كله بالبيض ...ادري ريحته خايسه بس بالعود والخمريه تطيييييييييييير نغطي الشعر ببلاستيك او كاب حراري لمدة ساعه ثم نوخره ونخلي البيض لين يجف.
لتقوية الشعر(للمطلقات والارامل والعوانس اللي ماعندهم رجال مثلي):
نغسل الشعر وبعدين نحط عليه بيض حسب طول شعرك نغمره بيض ..وبعدين نغطي الشعر ببلاستيك او كاب حراري لمدة ساعه ثم نوخره ونخلي البيض لين يجف وبعدين نغسل الشعر بالما بس و عشان اهلي كسرو خاطري ذاك اليوم ممكن ترحمون اهلكم وتحطون معه بلسم وتنظفو شعركم به والله روعه انا جربته.
للشعر الجاف :
نحط البيض كامل من دون فصل وندلك به الفروه 5 د ونغرق الشعر كله بالبيض ...ادري ريحته خايسه بس بالعود والخمريه تطيييييييييييير .....نغطي الشعر ببلاستيك او كاب حراري لمدة ساعه ثم نوخره ونخلي البيض لين يجف. وممكن لو كان مرررررررره رايح فيها وجاف حيل ومتقصف تحطين معه 2 م زيت جرجير او ذره ونفس الشي.
شامبو صحي برضو ((للمطلقات والارامل والعوانس اللي ماعندهم رجال مثلي )):
هذ ا يفيد في التقصف والجفاف والشعر المحترق من الصبغات والعادي
2 بيضه + 2 م زيت خروع او صبار + 2 م جلسرين سايل + ½ م خل ابيض لازم تسبحين قبل استخدام هالشامبو بيوم يعني اسبحي الاربعاء وحطيه الخميس نخلطهم ونحطهم على الشعر وندلك الفروه مهممممم وبعدين نغطي الشعر ببلاستيك او كاب حراري لمدة ساعه ثم نوخره ونخليه حسب وقتنا وبعدين نغسل الشعر بالما بس وماعليك من اهلك حتى لو اختنقو من ريحتك.لان هالشامبو يغذي الفروه ويطول الشعر.
شامبو للشعر الدهني:
صفار بيضتين + 4 م زيت زيتون + ½ فنجان عصير ليمون.
لازم تسبحين قبل استخدام هالشامبو بيوم يعني اسبحي الاربعاء وحطيه الخميس نخلطهم ونحطهم على الشعر وندلك الفروه مهممممم وبعدين نغطي الشعر ببلاستيك او كاب حراري لمدة ساعه ثم نوخره ونخليه حسب وقتنا وبعدين نغسل الشعر بالما بس وماعليك من اهلك حتى لو اختنقو من ريحتك.لان هالشامبو يغذي الفروه خاصه ان شعرنا دهني نقول مايحتاج زيت وهذا رووووووننق كبير لانه يحتاج والليمون يطهر الفروه ويوخر القشره وبعد يلمع الشعر صح؟ قولو ايه.
وممكن نحط صفار بيضتين + ½ فنجان عصير ليمون+ 4-6 م عسل ونفس الطريقه
شامبو للشعر الجاف :
بيضتين + 4-6 م عسل ونفس الشي اللي فوق.
وادعو لي ياخواتي اليوم ع الفطور ان الله يفرج كربتي فديتكن
:03: