كوبونات الراقية تسجيل الدخول

(مهاوي) وبس

من جد شي يفك الراس...

الأسرة والمجتمع •

اخت صديقتي مطلقة وجميلة وتعليمها على قدها .. وقامت تدور على وظيفة تترزق منها ..
الا وتدق عليها وحدة من خوياتها وتعلمها ان في شركة تدور على مندوبات سعوديات براتب مغري..
البنت فرحت ومن ثاني يوم الا هي في الشركة واعطوها موعد للمقابلة الشخصية..
اول ما دخلت الا ويلاقيها سعودي في اواخر الثلاثين ..
قالها انتي لازمن تفكين لثامك علشان شغلنا الحجاب ما يصلح للوظيفة والبنت الله يهداها متفتحة زيادة وما عندها مشكلة قامت وفكت لثمتها ..
وقعد يكلمها عن الوظيقة وهي عبارة انهم يزودونها بارقام تليفونات للرجال المهمين في البلد ورجال الأعمال وكبار الموظفين وهي ما عليها الا انها تدق عليهم وتاخذ موعد منهم وتروح لهم الشركة ومن شروط الزيارة انها تكون بكامل زينتها ويعطونها دروس بكيفية التحدث والإقناع واللي من كلامها اكتشفت بأن الأسلوب اللي يبونه هو اسلوب وسخ ..

والشركة هادي هي شركة لتسويق العقارات والمخططات البعيدة اللي مخطط لها انها تكون من المواقع المهمة في المنطقة..

ومن إغراءات الوظيفة راتب عالي ونسبة وبدل ملابس لزوم الكشخة وسواق..
وكل اللي عليها انها تتحلى بالحنكة والدلع والجرأة والإقناع..
وقعد يغريها عن الحاجات اللي بتحصلها من الوظيفة غير الراتب وهي.. انها بشطارتها واسلوبها ممكن تحصل من المشتري على هدايا قيمة منها رصيد بالبنك او صك ارض ...

طبعا العرض مغري والبنت متحررة جدا بس على سذاجة ..
جاية البنت فرحانة وتحلم بالأرض والرصيد .. وبابواب الجنه اللي انفتحت لها..

وتقوم البنت وتطلع من الشركة للصالون وتشقر شعرها وتعلم أختها بتفاصيل المقابلة..

طبعا اختها انجنت وحاولت تمنعها بس ان البنت مستقوية لدرجة ان ابوها مطردها من بيته وعايشة عند اختها في مدينة ثانية..

وأختها ما تقدر تمنعها وتخاف انها تطلع من عندها وينضحك عليها بسبة ان عقلها صغير وسهل انه ينضحك عليها..

موضوعي مو موضوع البنت الله يستر عليها ....

موضوعي هو..اللي فك راسي من جد
هو هالنوع من الشركات اللي قاعده تسوق لنفسها عن طريق بنات البلد وعمل منهم وسيلة مغرية لإقناع الرجال ...

والمشكلة الأكبر بحال قبول البنات بالعمل .. ايش موقفكم لو ان زوجك من الرجال اللي وقع عليهم الإختيار ويرسلون له وحدة من هالأشكال الضايعة واللي ما همها شي غير الفلوس..

وموضوعي اليوم هو...الحذر

من الوقوع بمطب هذه الشركات بالنسبة للبنات اللي يدورون وظايف..

تحذير رجالنا من الشركات اللي ترسلهم مندوبات بنات...

اتمنى تفاعلكم مع الموضوع ...
81
5K

يلزم عليك تسجيل الدخول أولًا لكتابة تعليق.

تسجيل دخول

لاعبة تنس
لاعبة تنس •
الله لا يربحهم يارب

قبل اسبوع دقت وحده على جوال زوجي وقعدت تخربط معه تقوله نبي بياناتك عشان مشروع وما مشروع وخرابيط ومدري كيف قالها اسف ماقدر اعطيك بياناتي قالت طيب ممكن ترسلها على الايميل بس وش تبي ايميل الشركه ولا ايميلي الخاص:024:

قالها لا الشركه .. واعطته اياه وقفلت .. اوكي! وطبعا هو بيصرفها بس عشان تقفل


هذا الكلام قبل اسبوع تقريبا رجعت قبل كم يوم ودقت عليه وهو بالدوام كان باجتماع وقالها انا باجتماع .. مع اني قلتله ليش تقول انا باجتماع كذا يعني انا مشغول دقي بعدين بس كان مايقدر يقول شي بوقتها:D


وتوووو بنت اللذينا قبل لا يروح الدواام دقت الصبااح وازعجت امنا بالتلفون بس كان نايم مارد يوم قام قال هذي بنت ال...:16:




الزبده وش تبي؟؟ خلاص كلمته اول مره واخذ ايميل الشركه وشوله تكلمه كل شوي ووش يبووووون الله لا يوفقهم


والكلام اللي تقولينه شلووون يعني تروحله من متى الحريم يروحون يقابلون رجال بدواماتهم:humm:
(مهاوي) وبس
(مهاوي) وبس •
نبض الوفا هلا وغلا بمرورك...

لاعبة تنس..
ترى الموضوع انا ما كتبته من عبث الا من جد هالأشكال هادي صارت تشتغل بيننا وهم اصلا ليه يختارون كبار الشخصيات علشان عندهم مكاتب خاصة ... ربي يفكنا من شرهم
@روح انسانه@
@روح انسانه@ •
(مهاوي) وبس (مهاوي) وبس :
نبض الوفا هلا وغلا بمرورك... لاعبة تنس.. ترى الموضوع انا ما كتبته من عبث الا من جد هالأشكال هادي صارت تشتغل بيننا وهم اصلا ليه يختارون كبار الشخصيات علشان عندهم مكاتب خاصة ... ربي يفكنا من شرهم
نبض الوفا هلا وغلا بمرورك... لاعبة تنس.. ترى الموضوع انا ما كتبته من عبث الا من جد هالأشكال...
والله فعلا هذا غول وبدا يطل براسه علينا وكثرت هذي الحركات من الشركات وغيرها
ولاتروحون بعيد البنوك اغلب اللي يتصلن على العميل المميز تكون حرمه ولازم تميع وتمط الكلمه لااخر الحاره
الله يكفينا شرهم ويخدم على سؤاهم ويجعل تدبيرهم تدميرهم امين يارب
@روح انسانه@
@روح انسانه@ •
واتذكرت موقف مره اتصلت علينا وحده موظفه حقت بنك في الظهر برمضان وتميع وتدلع وزجي كان نايم والله بغيت اتكلم عليها بعدين خفت على صيامي
وحزنت على حالها كيف الجراه والمايعه واعتقد ان الحاجه ماتسوي كذا مااقول الا الله لايبلانا
غادة الرياض
غادة الرياض •
لاحول ولا قوة الا بالله