من جربت ابره الظهر في مستشفى الوصل؟؟

هلاا أختي ..

بصراحه أنا عن نفسي ما جربتها .. بس الي سمعته أنهاا مب زينه لاانها تأخر الولاادة ومدري شو .. الخ

أنا يوم طلبتهاا تمت تحذرني منهاا القابلة الي كانت بتولدني .. وما ادري بصرااحه يمكن حد غيري جربهاا ويفيدج ..

والله يسهل عليج ..ويتمم على خير :)

مشكوره يالغلا

و اتمنى البنات يفيدوني

لاني مخيره بين ولاده طبيعيه بإبره الظهر
وولاده قيصريه ثانيه

السلام عليكم أنا جربتها في مستشفى دبي الحمرية
بس ما أنصحج.
أنا بقولج قصتي ،وأنتي احكمي..
أنا ولدت قبل 6شهور (بكر)
وسولي طلق صناعي لأني دخلت الشهر العاشر
طبعاً كل دكتورة راي وحدة تقول الطفل صغير والثانية كبير
فاقترحت الدكتورة اللي قالت ان الياهل كبير اني آخذ ابرة الظهر بس النيرس تمت تحذرني منه وانا مصرة.خاصة يوم زاد الألم:09:

المهم المفروض تاخذينها لما يكون الرحم مفتوح4سم
بس في حالتي دكتور التخدير تأخر وانفتح الرحم عندي 7سم
وقالت النيرس خلاص بتربين لا تاخذينها وانا مصرة(راسي يابس والألم فضيع):06:
بعد ماخذت الابرة نزل الماي وهو دليل على قرب الولادة
النيرس تلاحظ التقلصات من جهاز التخطيط وتقولي أدفعي بس أنا ما أحس بالتقلصات فما أعرف متى أدفع:(
تميت ادفع لين انهد حيلي:(
وماقدرت أكمل(والنيرس تقول أصلا الالم هو اللي ينزل الياهل)
وآخر شي شالت المخدر وحطت طلق صناعي وزاد الألم وربيت بس اضطروا يسحبون بنتي بالملقط
لأاني تعبت وماقدرت ادفع اكثر:09:

(وكانت وحدة لبنانية جنبي عطوها ها الابرة لانها كانت مسوية عملية قبل وخافو عليها)

على فكرة حسيت ان الممرضات عندهم خبرة أكثر من الدكاترة

واخيرا اعذريني على الطالة بس حبيت افيدج
والله يسهل لج ولادتج ان شاءالله:)

انا عن نفسي ما افكر اجرب ابرة الظهر
افظل الالم على الابرة
والله الميسر

خوفتوني يابنات

المشكله انا ما عندي خيار ابدا اني اولد طبيعي بدونها

الدكتوره قالت لي مجرد ما تبد عندج اعراض الولاده بنعطيج الابره حتى لو كان التوسع بسيط مو شان الام الولاده
علشان الام الديسك الرهيبه
او انهم بيظطرون يولدوني بعمليه مثل حملي الاول و هذا الي ما ابيه