من جربت اكلات للتفريز تختصر الوقت غير سمبوسه وسبرنغرول

الطبخات اللي ممكن تحضرينها مسبقاً وتحفظينها بالفريزر

اقراص كفتة اللحم او الدجاج

كبة البرغل محشيه لحم او دجاج مفروم

كرات البطاطس المهروس تجمدينه ثم تستخدمينه برمضان لصينية الدجاج بالكريمه والجبن

كرات او اقراص البطاطس المهروس محشي جبن كيري وزيتون ومغلف ببيض وبقسماط او طحين

البطاطس ممكن تحفرينه وتسلقينه بمويه وملح ثم تحشينه لحم مفروم مطبوخ وتجمدينه ثم برمضان تعملين له صلصه حمراء مع مكعب مرق وتدخلينه الفرن يتشربها ويتحمر .

الكوسا ممكن تحفرينها وتقلينها بالزيت نص استواء وتحشينها حسب رغبتك لحم مفروم مطبوخ مع شوي رز وكزبره وبقدونس ثم برمضان اطبخيها حسب رغبتك

حتى حشوات اللحم والدجاج المفروم ممكن تحضرين كميه تكفيك اسبوع وتقسمينها حسب حاجتك وتجمدينها

طبعاً طريقة التفريز للخضار والكفته والكبه مثل السمبوسه اول شي تحطينهم في صينية واسعه وتدخلينهم الفريزرالى ان يجمدون كل حبه منفصله عن الثانيه ثم اجمعيهم في علبه او صحون الفلين وغلفيهم ببلاستك وفرزيهم الى وقت الاستخدام .

جزاك الله خير