من جربت الحنه السودا لفرد الشعر

انا سمعت فيه و ودي استخدمه بس قلت اول اسال احد مستخدمه.. لاني متردده


ياليت احد استخدمه يقول لنا سلبياته و ايجابياته

اذا قصدج على خلطة الحنة اللي تسود وتفرد الشعر (ان شاء الله تكون نفس اللي استخدمتها أنا لأني ما حطيت فيها زبادي) فهي كالتالي:
أولاً تسشورين شعرك عدل ويكون سييده
2- تمسكين خصلة صغير في كل مره وتفردين عليها كمية من الحنةمن بعد الفروة لين الأطراف وتفردينها سييده
3- بعد ماتخلصين من توزيع الكمية كلها أحرصي أن شعرك يكون سيدة وما يتجعد ويتكسر.
4- خليه لمدة 24 ساعة على شعرك
5- في الثلاث ساعات الأخيرة من ال24 لفيه بنايلون من النوع اللي يلفون فيه الأكل عشان يحفظونه، هذي الخطوة تضاعف مفعول الدواء وتزيد النعومه
6- ابدأي يتكسير الصخر اللي على راسك مستعينه بالزيت (على فكرة هذي الخطوة تهلك، وتكرهين الدنيا ومافيها، وتتمنين لو انج ماسويتي الخلطة، وتوسخ لج المكان فديري بالج ولفي روحج بشرشف أو صفرة وافرشي على الأض مثلها علشان ماتدمرين الدنيا)
7- بعدها أغسلي شعرج واستعيني بالبلسم وليس الشامبو ومشط وسيع الفتحات علشان تتخلصين من باقي الحنه اللاصقة في شعرك
8- وأخيرا غسليه بالشامبو وسيري ارقدي لين ينشف الشعر
9- لما ينشف غرقي شعرج بالزيت مال الشعر على الأقل 12 ساعة قبل لاتغسلينه
10- داومي على الزيت للشعر يوميا لمدة اسبوع تخلينه على الشعر على الأقل 3 أو 4 ساعات قبل غسله.
في النهاية أنا مب متأكدة اذا الخلطة اللي عندج نفس اللي أنا سويتها، بس اذا حطيتي عليها الماي وعجنتيها وشفتي فيها لمعة وكانت لزجة وايد وتلصق وتحسين فيها شوي حرارة فهي نفس الخلطة

على فكرة، هذي الخلطة تتسوى عند الطلب عليها، ولازم تستخدميها خلال ثلاث أيام كأقصى حد ولا راح يبطل مفعولها..
وبالنسبة للحامل، أنا سويها وانا حامل ومحد قال انها ممكن تضر فيني
وهذا للإفادة

اسم عتيج جزاك الله خير كفيتي ووفيتي يالغاليه:26:

كيفك ياlanner
أناسويت هذي الخلطه يسمونها فرد الأعشاب مره ممتازه بس أنا أخلطها بماء الكركديه