من جربت ترك ابنها يبكي حتى ينام؟؟؟

انا لسه ماصرت ام باقي كم شهر على ولادتي


بس حاولي تشغلي قرآن بصوت خافت وتحطيه قريب منها


استغفري


وان شاء الله تنام

فيه امهات يسوون كذا مع اطفالهم
اذكر قريبتي استغربت من دكتوره راحت لها الا جايبه الدكتوره معها ولدها كذا قريب لعمر بنتك
كان يبكي مرررره قالت لها قريبتي تكفين شيليه
قالت الزكتوره لا خليه
مرضعته ومغيره له ومافيه تعب خليه يبكي لحد ماينام
تقول قريبتي انا تعبت نفسياً وانا ماني امه وامه عااااادي ولا كانه يتقطع عندها


انا والله ماتحمل
بس اخليهم يبكوووووووووون لحد خلااااص وامسكه واسدحه بحجري ينام بعدها يكون داخ من الصياح
لان اعرف عيالي اذا مو موجوعين ولا جوعانين يسكتون اول ماشيلهم فهذا دلع
اما الموجوع والجوعان مايسكت حتى لو هزيته
بنتي تعودت
بس ولدي عجزت عنه مايسكت الا بالشيل
الحين عمره سنتين واذا بكى يوووووه مااسكت لحد ماتشيليني انا اخسره عادي عندي يمل ويعرف اني ماراح اشيله يمل ويسكت
بس المشكله اذا بكى عند اهلي او زوجي نايم ماقدر اخليه لازم بسرعه اسكته يفجر روسهم


لذا بنتك سوي لها اربع نقاط مهمه كلهم جمييييع:
أولاً ارقيها بالرقيه الشرعيه
ثانياً عطيها نقط المغص
ثالثاً عطيها يانسون
رابعاً ادهنيها بزيت زيتون دافي مع حبة البركه وكمون


الرقيه الشرعيه راح تهديها بإذن الله لازم يومياً ترقينها قريب المغرب والفجر


نقط المغص ابحثي عن الممتاز انواع كثييييييره انا نفسي استخدمت كل الانواع بس مادري ايهم الحلو لاني مو منتظمه عليه لانه اليانسون يحل محله


اليانسون بين رضعات الحليب لازم لان الحليب ورى بعض يسبب تلبك معده ومن بعدها غازات ومغص
واليانسون بين الرضعات راح يسهل عمليه الاخراج ويطرد الغازات ويلين بطنها ويهديها وينومها


زيت الزيتون صبي بصحن معدني مقدار كيفي جسمها كله
وحطي بالهاون - النجر
نص ملعقه حلى حبة البركه وزيها حب كمون
ودقيهم زين وكبيهم على الزيت ودفيه على النار مو يغلي لا بس يصير دافي
اشخليه من الشوائب وادهنيها كلها من تحت اذانها لحد اطراف اصابعها
كميه كثيره مو دهن عادي لا لازم تدهنين بغزاره
وخاصه بطنها وسرها
وسويلها مساج على بطنها
احاول اجيب مقطع يوتوب يعلم كيف يمسج بطن الطفل لطرد الغازات والبرد
والمفروض تسوين هالشي بغرفه مغلقه البابواب والنوافذ والتكييف مافيه هواء
وتلبسينها لبس كامل قطني باكمام وسروال وشراب ولفيها وكوفليها ونوميها


احتمال مغصها برد داخلها
يمكن تغيرين لها حفاظتها بمكان فيه فيه تكييف
اوروستيها ولفحها برد
والطفل المنزعج اللي مايسكت احتمال كبير برد داخله
ومايقدر ينام عدل بسبب البرد ببطنه لا نقط غازات تفيد ولا علاج لازم هالطريقه اللي قلتلك حق الزيت الدافي واليانسون

انا مايجيني قلب اسوي هذي الحركه اصلا ماستحمل اسمع صراخ وحرام صوته يروح

حبيبتي الله يحفظلك بنتك يارب
انا في بريطانيا وبكاء البيبي طبيعي قبل النوم لان الطفل ما بينام لو فيه شوي طاقة بجسمه, لازم يطلعها كااامل بعدين ينام, هالطاقة مابتطلع الا بالبكاء.
بنتك لبسيها لبس مريح, وتاكدي من حرارة الغرفة لا هي حر ولا برد, شطفيها قبل النوم بساعة ولو برد امسحي وجهها ورقبتها بمشفة مبللة دافية, خففي الاضاءة, غيري حفاظتها ورضعيها, ممكن تعطيها نقط المغص. بعدين نوميها بسريرها, ماتنوميها الا بسريرها الخاص سواء نوم ليل او قيلولة و امسحي على بطنها شوي شوي لمدة دقيقة وبعدين وقفي خليها تبكي شوي, اطلعي من الغرفة واحسبي دقيقة لكل شهر من عمرها. يعني بنتك تبكي 3 دقايق. صحيح صعب بس هالعمر مناسب تعوديها, ولما خلاص تبكي كثير ارجعي طبطبي عليها, وكذا لحد ماتنام,, ايااااكي ترفعيها او تهزيها او تشيليها,, بتندمي طول عمرك صدقيني.. انا جربت هالنظام مع بنتي والحمدلله كنت اتركها تبكي دقيقتين ثلاث وارجع اطبطب دقيقة وكذا, عمري ماشلتها ولا هزيتها والحمدلله تعودت وكان نومها ممتاز ومازالت ممتازة الحمدلله الحين عمرها 3 سنين ونص
جارتي الله يهديها بنتها لما كانت تحطها عندي كانت تنام زي العسل ماشاءالله, لكن ماسمعت كلامي, كل قيلولة وكل موعد نوم للبنت تاخذها و تدور فيها تحت العمارة عند المدخل لحد ماتنام وبعدين تدخلها البيت, ولو حطتها بسريرها و صحت بعد نص ساعة ترجع تلبس وتخرج تدور ببنتها,, للاسف بهدلت حياتها بنفسها. البنت عمرها ست شهورالحين ماشاءالله ووزنها صار ثقيل وامها ندمانه ايديها وظهرها واجعينها لانها كل قيلولة لاااازم تاخذها برى عشان تنام ولا مستحيل تنام.. لدرجة صرت ارفض اخذ منها بنتها لان ظهري وجعني وكل واحد فينا لازم يستحمل نتيجة قراراته
والله العظيم دخلت بس عشان انصحك لوجه الله لا تعودي بنتك,, انتي ام ممتازة والامومة صعبة, بس بامكانك تسهليها شوي او تصعبيها اكثر,, انتي وخياراتك.. وتذكري طبيعي جدا الطفل يبكي قبل النوم

عندي اربع اولاد. من خبرتي بلا كلام نفسي ولا طب بلاهم


اطفال تنفع معهم واطفال ما تنفع معهم. ولدي الكبير جابت معه نتيجه
ولدي اللي بعده كان يجلس يبكي ل 3 ساعات متواصله معاند عشان يبغى الشيل والهز. وبالفعل خضعت لطبعه من كثر بكأه رحمته لا يجي عنده فتق 😒
واستمر على هالحال لين خلص 8 شهور وهو متعود ع الهز والشيل. الطفل الثالث. لا ينام باي مكان ولا يبغى الشل وللهز الطفل الرابع 😭 عودته شغالتي ع الشل والهز وهذا هو معاند ماينلم الا بشل وهز.


لا تحولين تتركينه كثير اذا مره مره. الله يعينك اعرفي انو هذا طبعه وراح تتعبي معاه الله يكتب الاجر لك ولكل أم.