من جربت تسوي مفاجأه يوم ولادتها بجنس البيبي

ياحبيبتي لاتهتمين في الناس اللي يتشمتون وكلامهم فاضي اللي ربي يرده بيعطيه والله يختار جنس المولود الانسان عليه يدعي وبس ومع نفسهم احملي وعلمي بالجنس ولا عليكي منهم هم تصرفاتهم تمثلهم وتصرفاتك تمثلك يمكن يتفشلون يكتشفو انهم تافهين يوم انك بكل ثقه علمتي ومااهتميتي فيهم رأيي 🌹

الله يتمم لك على خير ويقر عينك بما تحبين ويرزقك الولد الصالح التام الخلق والخلق ويقر عينك بأخو له وعضيد


ابد ما قد سويت كذا ولا يهمني حتى اللي تحمل
اذا بشرتني باركت لها واذا ما قالت لي سكتت واذا شكت عندي واسيتها واذا ما اشتكت سكتت
فما يهمني جنس البيبي سواء عندي او عند غيري
لكن بما ان الوضع مضايقك وتحسين انك مرتاحه بالتصرف اللي تسوينه ليه تشاورين في المنتدى ؟ بيجون ناس مختلفين الافكار والتربية
ناس مثل اهل زوجك وناس يعارضون وناس يهاجمون وناس ينتقدون وناس يشجعون
بنظري سوي اللي تبغينه انت هذا طفلك وببطنك وتمتعي بكل لحظة اللحين
وزوجك بما انه مو مهتم ما عليك فيه اهم شي صحتك ولا تطرين له جنس البيبي
لان اذا عندك بنات من قبل بيتعلق قلبه باللي ببطنك وقد يكون فيه غلط في الجنس " قليل حاليا وشبه معدوم " لكن لازلنا نسمع بقصص كذا
فمالك ووجع الراس وسوالف متعبة لك وله
خليها مفاجئة له ولغيره
والصدق اتمنى اقدر ما اقول جنس البيبي اذا سالني احد هههههههههههه اذا حملت اقول هالمره بسوي اكشن وماراح اقول
بخليها مفاجئة للكل وبسوي زي فلانه وعلانه
وبس يسألونه اقول مدري ليه
فمدامك مقرره وماشاء الله كملتي على قرارك كملي للنهاية يا بطلة

كان نفسي اسويها ببنتي بس ماش راحت عليه
سويها اكيد شعورها جميل ولا يوصف 😩♥️

ياحبيبتي لاتهتمي لهالتفاهات
ادعي بس ان ربي يرزقك بخلفة تامة الخلق والخلقة
ويكون سليم
ومو لازم تخبريهم وش جنس الجنين
ممكن يقولولك ولدك ويطلع بنت وممكن العكس
قوليلهم اللي يجي من الله حياه الله
ولا يجي ببالك ان احد يتشمت لاجبتبي بنت
وهم لو بالفعل يتشمتو فهم ناقصين عقل
والا ماحد يتشمت على نعمة ربنا
وعلى قولهم خلفة البنات اولها شماتة واخرها حسد
وزوجك من حقه يعرف جنس اللي في بطنك
لكن لو هو من اللي اذنه عند اهله ويخر كل شي لهم
فقوليله مو باين
ويارب يتمملك حملك على خير ويرزقك بولد سليم معافى

والله انا ماهمني واعلم عادي عندي واحس دايم اللي يخبون حملهم قلوبهم سوداء وحسوديين ويتوقعون الناس مثلهم وهم مادرو عن هوا دارهم