ابقولك تجربتي لوجه الله عسى ربي يفرجلك همومك في النفاس لان النفاس صعب يبيله قوة صبر وشوفي طريقتي علشان ما اخلي احد يخدمني وبنفس الوقت يكون الامر سهل علي وعلى اهلي طريقتي كالاتي


بالنسبة لي اعتمدت الطريقه هذي وعواقبها جدا رائعه وهي قبل الولاده اشتري طحين بر المعيه طبعا اشرط ما جاء كيماوي وابدا

اعجن كل يوم عجينه واسويه مطازيز بالة الكهرباء يطلع مثل هالصوره







واذا برد افرزنه باكياس او علب بلاستيك حسب رغبتك مثل



اواكيس المطازيز باكياس لحم بس مالقيت صوره توضيحيه ما عندي صوره


طبعا المطازيز اسويه بالاله هذي كلكم تعرفونها





طبعا تكوريه مثل كذا






ثم تضعيه بالجهاز بالطريقه مثل هذي تقريبا





ثم اسوي كشنة طماط مثل هذي وافرزنها بالفريزرواريح رسي من كل ظهر ومغرب اكشن





وفي الاخير بتحصلون على مطازيز ولا في الاحلام مثل هذا


طبعا يابنات المطازيز افرزن 80 كيس طبعا للغداء 40 وللعشاء 40 ويكفني كل الاربعين الساعد عشر ونص اغلى الماء بالقدر وارمي فيه كشنه مفرزنه ومطازيز مفرزنه وخلاص وقبل اطفي النار اضيف ملعقة حبه سوداء وملعقة حلبه وممكن ملعقة ماش للي تحب لان الماش يسمن واغرفه بحافظه والمرقه بحافظة واتقهوى واستانس والغدى موجود بجنبي اذا اشتهيته يكون عندي طبعا اللي يسوي هذا كله الشغاله وممكن تخلي بناتك اذا هم كبار ويعتمد عليهم اذا دخل التاسع خليهم يبدؤن يفرزنون

وطبعا صباحا ومساءا لازم ترمس حليب مع الفطور ترمس حليب وبعد العشاء حليب ولاتنسي تمرة النفاس مهمه مع قهوة الصبح وقهوة المغرب ومرقة لحم مع الغداء والعشاء بالاضافة لادويتك وانتهت المهمه على خير

هلا بالحلوين اخواتي هذا النفاس الثالث في بيتي وناويه باذن الله اسوي حركه علشان افتك من لقافة الشغاله واسالتها اللي ما تنتهي تدرون وش راح اسوي


طبعا حمامي ملحق بغرفتي فقررت اضع بغرفتي طاوله صغيره طبعا عند فيش كهربائي واضع فوق الطاوله غلايه كهربائيه لغلي الماء واضع بجانبه ترمس مخصص للوضوء وجنبها علبة الوضوء وكل صبح اغلي الماء واحطه بالترمس واخذ ملعقة من الارطى واضيفها للترمس ثم اخذالترمس واحطه بالحمام واتوضا منه طوال اليوم

واعجبتني فكرة الاخت اللي تقول جهزي مره ومحلب للتروش ممتازه جدا راح احطها بعلبه واخليها بحمامي وبكذا راح افتك من شغالتي اللي ما تخلي شي ما تسال عنه رغم اني علمتها كثير بس لازم تقول سعودي خرابيط كثير

هاه وش رايكم بفكرتي


تراي على وشك ولاده وادعولي بتسهيل الولاده فان شاء الله اذا الله احيانا راح انزل موضوع كامل عن نفاسي بالصور وكيف ريحة راسي من الحوسه بس بعد ولادتي علشان احط صور لاني الان ماعندي صور


ايضا بنات لاتنسون تحطين على طاولة الصاله حافظه بلاستيكيه شغل حريم مثل هذي








اضع بالحافظة علب زجاج صغيرة تلقونها عند ابو ريالين مثل هذي





انا استخدمت مثل هالاشكال








طبعا كل علبه كتبت عليها اسم الدواء ومتى اكله فحطيت علبه للفلفل الاسود واخرى للفلفل الابيض ووحده للدارسين ووحده للكركم لانه مفيد مع المرقه وعلبه حطيت فيها خلطة العتيبيات المعروفه وطبعا الدواء اللي يؤكل مع الغداء والعشاء وعلبه منقوعه

وكلها حطيتها بالحافظة وكل علبه فيها ملعقة بلاستيكيه صغيره علشان ما اجلس انا دي جيبوه ودوه واحط الحافظه هذي بالصالة


علشان تكون تحت متناول ايدك كل ما احتجتيها

وايضا عندك العلب الصغيره مثل هذي





او







انا استفيد منها بوضع علبه للمره وعلبه للمحلب علشان اتقهوى عليه صباحا ومساءا واخذ معي للمستشفى


وشايفين اللي غطاها ابيض مثل قطرة العيون او الاذان اضع فيها خوى جوى واحطها بالحمام علشان مو كل شوي جيبي ودي صراحه ودي اخدم نفسي بنفسي طبعا علبه بالحمام وعلبه بغرفتي وعلبه بغرفة الجلوس الخاصهوبكذا ارتحت

وبالنسبة للطفل جهزت ترمسين مويه حار وبارد طبعا كلهم مغليات حطيت وحده بالصاله طبعا سله فيها الترمسين وعلبة الحليب

وسلة صغيره فيها الرضاعات بس ولادتي هذي عندي طفل صغير فماراح يخليني على راحتي وطبعا نفس الشي هذا بغرفتي عند سريري علشان بالليل اجهز الرضعه بدون ما اروح للصاله والله يعين اتمنى اكون افدتكم

ايضا عندك علب حديديه انا استخدمها لزيت الزيتون والعسل علبه لزيت الزيتون وعلبه للعسل طبعا احطهم بالمطبخ بعلبه بلاستيك مقوى يكون له غطى علشان اطفالي ما يكبونه والصباح اجيبه مع قهوة الصبح واخذ ملعقة زيت زيتون وملعقة عسل واضيفهم على كوب ماء دافء بس المويه اقلل اخليها نص الكوب والله الطريقة تجنن وتساعد على التنحيف وايضا ما يجيك اسها وقت النفاس طبعا الاباريق هذي شريتها من ابو ريالين هي تشبه الابريق ونهاية الفتحه مغلقة بغطى اسود ابلاستيكي قوي وهذي صورتها ترى من تصويري الخاص هههه


اضغطي هنا لمشاهدة الصورة بحجمها الأصلي