من جربت تنصح في الاسواق وايش كانت النتيجة

انا طبعا ما اعرف ايش افضل طريقة لدعوتهم ،، واسلوبي خاطئ ،،

بس كنت مقهووووووووورة مرة وكنت اسكت اسكت لما انفجرت ،،

مرت وحدة عمرها بآخر الطعش مع صديقاتها نافشة كشتها لابسه عبات كتف بس

تتمايل وتضحك وتتلفت يمين ويسار هذا غير المكياج ورايحة جايه بالمجمع

ولما مرت جنبي قلت لها (( شكلك فرحانه بشكلك ))

قالت (( ايششش ؟؟؟))

قلت (( فرحانه بشكلك روحي شوفي روحك بالمراية ))

قالت (( ايش ؟؟؟)) بصوت قوي

مسكينه ما توقعت احد يكلمها حتى رد ما عندها يمكن لانها صغيرة


طبعا طريقتي خااااااااااااااطئة وهذة مو طريقة دعوة ابد ا لكن اذكرها لتلافي الاخطاء مستقبلا

اولا لازم يكون الاسلوب لين ((ولو كنت فظاً غليظ القلب لانفضوا من حولك ))


انا مره وحده لقيتها عمرها يمكن 16 سنه ومره مبين انها كبيره وصدرها باين يعني حرمه ماشالله

وفاكه شعرها وسادلته .. ماكلمتها قدام احد خفت من رده فعلها بصراحه

انتظرت الين راحت الحمام ورحت ونصحتها مدري كيف طلع مني الكلام بس انقهرت لانها جميييله ماشالله والشباب عيونهم تتلاقط عليها واستغربت ان رده فعلها كاااانت ممتازه لفت شعرها ولبست طرحه على راسها وهي كانت مربطتها
وبعدها شكلها طلعت من المكان ماعد شفتها

الافضل الواحد ياخذ معه كتيبات دعويه تناسب جميع الاعمار

والله يقدرنا ولايجعلنا ضعفاء ايمان لان في بعض المواقف للاسف والله اخاف اتكلم
الله يعين بس

الله يوفقكم يارب
احس يبغالها جرءه ..لان بعض البنات الله يهديهم تقوم الدنيا عليك كأنك ضربتيها ..

ايوه جربت وبتقنية البلوتوث
أقوم بجمع فتاوي عن الحجاب وعن التبرج والسفور
أو عن الرسائل البلوتوثية المحرمة
أو فتوي تتعلق بالإسبال والفتاوي المختصة بالرجال وماشابه ذلك
وأقوم بوضعها في مفكرة الجوال بعد أرسالها من الاب توب للجوال
واقوم وابلتث فيها اي بلوتوث ممكن يصادفني وقت اكون قاعدة ماعندي شغل

انا مره شفت وحده لابسه عبايه مخصره الرجال الكل يطالعون فيها المهم طاحت منها الشنطه وشالتها نزلت نفسها بنعومه ورفعت نفسها بنعومه..

جيت عندها قلت لها معليش يااختي الرجال يطالعون فيك بسبب عباتك.. تتوقعين ايش قالت... قالت : انقلعي..!!
ومشيت من عندي...

رغم اني تكلمت بهدوء معاها وبكل احترام ومع ذلك ردت بوقاحه لأنها عارفه انها على غلط...

وعموما انا انصح ان مايكون النصح مباشر مثل ماسويت انا لكن انصح بنشر اشرطه دينيه ومطويات ...