من جربت حليب هيومانا بيبي ميل؟؟

خلوني ادخل بالموضوع..
عمر ولدي شهرين ونص وارضعه طبيعي ولله الحمد ولكن بسبب ظروف اني برجع للجامعه فمظطره اعطيه صناعي وقت غيابي عنه ..حاولت اشفط له المشكله احيانا يمديني اشفط وأحيانا تجيني طلعه مفاجاه او موعد فمايمديني اشفط فقررت اعطيه صناعي وقت الضروره..
المهم سالت الدكتور مدح لي حليب بليميل بلس ويوم رحت اخذه من الصيدليه مدح لي الصيدلاني رونالاك وبيبي ميل قال اكثر حليبين يمدحونهم الزباين ومررره خفيفين بم انك ترضعين طبيعي انا ساعتها قررت اخذ رونالاك لانه كان يستخدمه بالمستشفى المهم اعطيته كم رضعه ومشى معاه بس لاني ماعطيه دائما فانتهت صلاحيته رجعت لصيدليه ثانيه وبرضو سالت عن افضل حليب مدح لي وبقوه البيبي ميل وحلف ان الاهالي اللي يشتكون من حليب عيالهم يقولون هاذا الحليب الوحيد الصالح لهم ويحتوي على اهم عناصر النمو والفيتامينات والاهم انه خفيف .قلت طيب والرونالاك قال مشكلته خفيف ولايحتوي على العناصر المهمه للنمو قلت طيب والبيبيلاك قال مشكلته يتكتل بسرعه والبيلميل بلس يقول جات فتره وانسحب طالع عليه كلام ومشكوك فيه ..طبعا الرونالاك انا اساسا مسوسه استمر عليه او لا لان تجارب الامهات ناس تمدحه وناس تذمه والاغلب قالوا انه خفيف بزياده ولا يسمن مع العلم ان السمنه ماتهمني ابدد اهم شي الصحه وعدم الترجيع والامساك..
فبالاخير اخذت حليب بيبي ميل ومكتوب عليه كومفورت للغازات والامساك وللامانه مافتحته قلت بشوف تجارب اخواتي اذا كويس ولا ببرجعه للصيدليه..