من جربت شرب الحلبه وفتحت

أنا لي عليها سنين بس بشكل متقطع بس بديت انتظم عليها من السنة اللي راحت لليوم، هي تشيل الصفار والشحوب فتحسين نفسك فتّحتي وتخلي البشرة ناعمه ورطبة
السمنة ما شفت شي ﻷن أكلي قليل (ما آكل إلا إذا جعت) وما اتعشى وأهلي يشربونها معي وأجسامهم هي نفسها ما تغيرت
أحسن طريقة لها بحيث ما تحسين بمرارتها وتصير مويتها مركّزه (بني على أخضر)
عبّي في إبريق الشاهي ماء للنص وحطي عليها 5 أو 6 ملاعق حلبه حب بدون طحن (أهلي يحبونها نص كوب حب عشان تصير مركزه) غطيها وحطي اﻹبريق بالثلاجه من الصبح عشان ينقع وتنزل خلاصته بدون ما يصير مُرْ وقبل ما تنامين طلعي اﻹبريق سخنيه شوي (تفويحه وحده للتعقيم وعشان الفوايد تبقى) وحطي عليه نص كوب حليب وصبيه في كاسك مع الحب وحطي عليها ملعقة ونص عسل واشربيه وإذا خلصتي اكلي الحب تقريباً حدّي آكل ملعقتين حلبه.

المصريات يشربونها قبل النوم عشان تنعش البشرة وهم نايمين وأحسن فصل لها الشتاء عشان الريحه ما تفوح زياده، وإذا قطعتيها ما تطلع ريحتها من جسمك 4 أيام أو أسبوع،
إذا شربتيها والمجتمع اللي حولك يشربها ما راح تحسون بريحة بعض أبداً ولكن لو طلعتي لمجتمع ثاني مدرسة أو العمل لا على طول يطيرون من ريحتك عشان كذا مجتمعاتنا قبل يشربونها ولا ينقدون على بعض عكس هالجيل على طول يكشفك ويتقرف بعد، الواحد ينحرم من فوايدها وينحرج يشربها ويطلع بسبتهم ههههه، يعني لا تسوين زي بنات المنتدى هنا اللي يقولون تغسلنا وحطينا خمرية والله ما طلعت ريحه ههههه ﻷن اللي يشربها ما يشم ريحة نفسه انتبهي. يعني لو كنتي متزوجه يا تخلين زوجك يشرب معك عشان ما يشم ريحتك وريحته ولا بلاها 👃
حتى صاروا الحين يحطونها لبناتنا في المكملات الغذائية للشعر بأغلى الأسعار، تراها تكثف الشعر لو شربتيها مع الحب وتخفف التساقط