السلام عليكم
ايه اختي انا استخدمه في السفر في الفنادق تعرفين حنا شعب نحب الرز وبعدين اخاف من اكل المطاعم انا عندي اليكا اخذتها من بنده بحوالي ٧٠ريال من ٣سنين كتجربة وما شاء الله الى الان شغالة بس استعمالي لها في السفر فقط وتأخد كوبين ونص او ثلاث ومريحه اذا استوى الرز يولع لمبه التدفئة ويجلس حار لحد ما تغرفين انصحك اشتري زيي نوعيه رخيصة وجربيها ٣اكواب واذا استوى شوفي المساحة داخل هل في مجال المرة الجاية تزودي وبعدين على حسب نوعية الرز او تسوين على دفعتين واحتمال في سعه اكبر دوري وشوفي اتمنى افدتك بس والله ماهقيته كذا فك لي زنقة بالسفر دلتني عليه شغالتي
موفقة اختي

اهلا وسهلا

تعالي اعطيكي من خبرتي

انا عندي طباخة الرز او ال rice cooker واحد ماركة كينود هلكته شغل مدة اربع سنوات ونص و لغاية ما الحرارة صارت تفصل
قبل وقتها وبعد ما تنازلت عنه وقمت شريت لي واحد ثاني ماركة فلبس وهم بعد روعة
السالفة كلش حلوة وهينة وما يبي لها
اهم شيي ان يكون العيش منقوع من قبل في ماي ولحظة الطباخ تشيليه من الماي وتحطيه بالقدر مع ماء وملح واي نكهة تبينها دارسين او هيل او ورق غار اي شي تفضلين واذا ما تبين تضيفي مو مهم

بالنسبة للرز ليه قاعدة اذا استخدمتي كاسة رز تحتاجي لماء بكمية ونص لنفس المقياس
واني عادة افضل استخدم ماء ساخن اوفر لي بالوقت

ألحين انتي خليتي بالقدر العيش المنقوع مع ماء ساخن مع ملح خلاص سكري الغطاء وضعطي على الزر واهو لحاله بيضل يطبخ ويطلع بخار ولا عليكي منه اول ما يجهز الرز راح يطفي اللمبة تبعه
افتحي الغطا وقلبيه بالملعقة واحلى واسرع و انطع رز يكون بين يداتك

الحلو فيه انك ما تضلي تراقبي وتوجعي راسك
وانا الحين عندي الجهازين واحد كبير والثاني ضغير وما اتنازل عنهم لسبب ان كل واحد يناسبني لشغلة
والكبير استغله حتى للعزايم اطهي كمية الرز فيه على اكثر من دفعة واجمع الناتج في قدر كبير و خليه على نار خفيفة تحت حديدة
يعني اضمن ان الرز قدام ضيوفي راح يضبط


عندي لك بعد شغلة ثانية ابي افيدك فيها واكسب اجر ان شاء الله

هذ الجهاز يفضل حق الستيم راز او الرز الابيض بس اني من النوع اللي يشتغل كل شي
ولهالسبب اني اعمل فيه البخاري و الرز الصيني عادي والطريقة اني احضر الكشنات لحالها ولمن ابي اضيف الرز
أأخد الكشنة مع الرز وابعد الدجاج لحالة واحطهم مع ماي بالجهاز لين ما ينضج الرز بعدها اضيف الدجاج واقلبه

ونفس الشي بالنسبة للرز الصيني او الجاينيز رايز

اي سؤال حاضرين لك ولو عندك انستغرام عطيني النيك نيم علشان اضيفك لاني منزلة الصور عندي للجهاز واذا ما عندك
ارجع احمل لك الصورة اهني ولا يهمك بس خبريني


واي سؤال او استفسار حاضرين لك ولا تنسينا من دعاوكم

وحياك الله

حلو مره
حتى تقدري تتبلين الدجاج من الليل عشان يستوي بسرعه
وتحطينه بالشبك فوق الرز
وماياخذ وقت او ماتوصلين ولعي عليه زاقل من نص ساعه وانت متغديه

الله يرفع قدر كل من دخلت ورفعت موضوعي

ويسعد ويهني كل من ردت وعطتني من خبرتها



ابي اعرف اسعارهم واماكن بيعهم واحسن الماركات

وهل صحيح انه يشيل رز قليل ؟

رفع