هلا اختي،
اية صابون قصدك؟ الاسود اللي شكله زي الكريم و اللي يستخدم في الحمام المغربي ؟
و لا الثاني القاسي و اللي اسمه الطاووس؟ شكله زي الصابون العادي بس مصنع في المغرب و مكوناته طبيعية؟

انا مثلك عندي سؤال واتمنى البنات يجاوبون علينا ؛(معليش دخلت عرض)

ابسال عن الصابون المغربي اللي يستخدم في الحمام المغربي ؛
لاني جربت عده انواع وماحسيت انها تنظف ؛ واريد نوعيه ممتازة (ممكن تكتبون الاسم )
وكيف طريقه الحمام المغربي الصحيحة وياليت توضحون بالصور ..

ومشكورين مقدما..

حبيبتي بالنسبه للوجه انا استخدم الصابون المغربي اللي اسمه الطاوس ومره مرتاحه الحمد لله لأنه ناسبني

نور الحياة بالنسبة لسؤالك اي نوع ماادري ان شاء الله الاخوات يفيدونك

وفيه موضوع في المنتدى عن طريقة الحمام المغربي خطوه بخطوه وبالصور وراح تستفيدي ان شاء الله منو

انا استخدم الصابون المغربي الي من وادي النحل لان ليفته اصليه والطريقه تروحين تحت الدش خمس دقايق لين يطرى الجسم بعدين امسحي المويه الزايده عن جسمك بيدك ,حطي الصابون ودلكي شوي وخليه عشر او ربع ساعه بعدين غسلي جسمك من الصابون زين خذي الليفه ودلكي بشكل دائري وبتشوفين الوسخ يطلع
ملاحظه مو لازم كل ما استخدمتيه يطلع الوسخ مايطلع الا اذا طولتي منه يعني كل 3اسابيع

احسن شيء قبل الحمام المغربي بيوم ادهني جسمك بزيت زيتون تكون النتيجه احسن