من جربت مشروع سيارة فان وتوصيل الطالبات

انا معلمة واروح في نقلية فان والله معاناة الله يرزقنا بالنقل
لكنها مشروووع ناجح ومكسب مربح بس يبغالها واحد عنده طولة بال وسعة صدر لان احيانا فيها مشاكل

مثل ايش المشاكل

أنجح مشروع في السعودية
رح تكسبي من وراه دهب
بالتوفيق أختي

احيانا مشاكل مع اولياء الامور واحيانا مع نفس الطالبات او المعلمات من حيث التأخير تسبب مشاكل بينهم وكل وحدة تسحب تدور فان غير هذا وتسحب معاها كم وحدة
وبعد مشاكل اذا خرب الفان يتوهق السواق في بنات الناس غير مشاكله مع الشرطة غطي الستاير وغرامات هذي نقطة في بحر
اللي بيخطي هذا الخطوة لازم يكون قدها وقد تعبها

لو كنتي بالمناطق القريبه من الرياض يعني المحافظات فالمشروع راح يكون ناجح لعدة اسباب الطللبات بتكون بالهبل لعدم وجود وسائل نقل كثيره غير انو الاحياء قريبه من بعض والشوارع مافيها زحمه وباذن الله ماراح يكون فيه مشاكل شرطه زوجة ابووي هي وبناتها تقاطو وشرو الفان وجابو السواق ومشاء الله يودي معلمات الصباح والعصر موظفات وبالليل طلبات يوصلها من اكل وغيره يعني تبارك الله رابحين من وراه يمكن لانهم في محافظه عكس الرياض زحمه ومشاكل بس انا انصحك لاتفكرون بتوصيل طالبات المدارس لانهم صغار وحركته كثيره الله يصلحهم لو حده تطيح ولا تطلع راسها من دريشه او تنام وينساها فالسياره او يتاخر عليهم الله يعينكم على مشاكل اولياء الامور يعني خلكم على المعلمات الصباح وموظفات العصر