. 
.
**manal** @manal_14
عضوة نشيطة
من جربت هذه الزيوت لشعر...
السلام عليكم.... اشتريت بعض الزيوت لشعر وحبيت اسألكم قبل ما استعملها هل هذه الزيوت مفيدة للشعر وما هي طريقة الاستعمال اخلطها مع بعض وبعدين استعملها ولا كيف ?............... الزيوت هي -زيت الجرجير - زيت الريحان - زيت السمسم - و زيت جوز الهند. . .
. .
14
8K
يلزم عليك تسجيل الدخول أولًا لكتابة تعليق.
( ربي اغفر لي ولوالدي وللمؤمنين يوم يقوم الحساب )
( ربي اغفر لي ولوالدي وللمؤمنين يوم يقوم الحساب )
( ربي اغفر لي ولوالدي وللمؤمنين يوم يقوم الحساب )
( ربي اغفر لي ولوالدي وللمؤمنين يوم يقوم الحساب )
( ربي اغفر لي ولوالدي وللمؤمنين يوم يقوم الحساب )
الصفحة الأخيرة
فيه زيوت حاره وزيوت بارده واحنا مانعرف
مايصير وفي موضوع تحذير وكاتبين الزيوت اللي مايصير نلخلطها
تدورن ان اغلب خلطات الزيوت خطيره على الشعر وتكون حاره وهي اللي تسبب التساقط
يعني بدال ماتكحلونها بتعمونها
في زيوت لما تتفاعل مع بعضها تعطي نتيجه عكسيه هذا كلام واحده خبيره مثل زيت الثعبان وزيت ثاني والله ناسيه لو تحطونه مع بعض بيروح شعركم في خبر كان
اللي قصدته من هالكلام انكم لاتخلطون من عقولكم اذا الخلطه هذي مو جايبينها من عند احد خبره لاتجازفون بشعوركم
ترى لافات الفوت ماينفع الصوت
وشكرا
حبيت انصحكم لاني احب لكم الخير مثل مااحبه لنفسي
__________
كيفكم بنات وحريم والله انا من قريت الموضوع وانا اخاف:32: من جد نخبط في هالزيوت وماندري وش الطالح من الفالح ومادرينا انه كل زيت مفيد ممكن يفسد اذا خلطناه مع زيت ثاني حتى هو مفيد عاد قلت انزل الموضوع تستفيدون وتفكرون اكثر من مره قبل لانلعب بالزيوت وكله ع هالشعر المسكين:06:
الموضوع منقول
والله انتم عليكم حركات ترفع الضغط
كل ماادخل القسم اشوف عضوة خالطة كمن زيت على بعضة
نوع من الشرق ونوع من الغرب وتسوية خلطة وتحطة على راسها
اخواتى انتم متعلمات وفاهمين
معقول ماتعرفون ان فى زيوت لو انخلطت مع بعضها بتسوى اكسدة
وبتضر ومابتنفع
قبل لا تخلطين اى نوع زيت على نوع ثانى استفسرى واعرفى
انتى شبتسوين هاى شعر مب حقل تجارب
واخواتى اللى ينقلون المواضيع والخلطات من منتديات ثانية
الله يعافيكم
مانبى نقل بدون تجارب
انتم ماتعرفون ان فى بنات صغار بالعمر بيدخلون النت
ويكتبون اى خلطات والسلام
وانتم يالمتعلمات يالواعيات اتسوون هالخلطات وبكل بساطة
مثال زيت الزيتون مايتم خلطة مع زيت الاس
زيت الزيتون لا يتم خلطة مع زيت السدر
زيت النارجيل لا يتم خلطة مع زيت السمسم
زيت النارجيل لا يتم خلطة مع زيت الجوجوبا
ولا زيت جنين القمح ولا زيت الخروع
زيت البصل لا يتم خلطة مع زيت الثوم ولا زيت السدر ولا زيت الاس
زيت القرنفل لا يتم خلطة الا مع زيت جنين القمح او الزيتون
او زيت السمسم او زيت الخروع
سألتها وحدة عن الخلطات الجاهزة و جاوبت:
هلا حبيبتى والله ثم والله عارفة ان هالسؤال بينطرح على
شوفى اختى الزيوت المصنعة يالغالية
غير الزيوت الاصلية الغير مخلوطة
هالزيوت الاصلية انتى بتاخذينها زيوت خام
وانتى اللى بتخلطينها بالبيت ومن هنى بيصير للانواع اكسدة
لكن الزيوت المصنعة بيتم هدرجتها لعدة مرات لكل نوع زيت مخلوط
يعنى طبعا مافى مقارنة بين المصنع المصنع للزيوت
وبين زيت خام اصلية
يارب قدرت افهمج المقصود
سألوها عن زيت كيشور و ردت :
هلا اختى
شوفى اللى سويتينة هو الصح
لان زيت كيشور لازم ايتم تخفيفة باى نوع من هالانواع اللى بذكرها لج
النارجيل
او الخردل
او الخروع
او السمسم
او الجوجوبا
وانتى سويتى الصح وتوكلى على الله واستخدمى خلطتج بالتوفيق ان شاء الله
\
و سألوها عن خلطة معينة ....و جاوبت:
زيت الخروع مع النارجيل يتفاعلون مع بعض
لان الخروع والنارجيل من الزيوت اللزجة
يبيلهم شيء ينضاف عليهم مثل زيت الاس او زيت السدر
لكن لو زيت النارجيل مع زيت خروع لا مايصير استخدامهم مع بعض
وانا كاتبة هالنقطة فى اول الموضوع
بس فى شيء صعب ماراح اقدر اعلمكم اياة وهو اشلون نوعين زيت لزجينن
دمجهم على بعض بنوع ثالث حار
سألوها عن تحليل الزيوت في المختبر، جوابها كان:
لا اختى هالكلام ماينطبق على الزيوت المختبر ماراح
يثبت اذا الزيت مايصلح للاستخدام ولالا \
تعرفين ليش لان المختبر بيثبت ان الانواع مالها تاثير
هاى الا اذا الزيت مسمم
و عن زيت الثوم و زيت البصل بنفس الخلطة قالت:شوفى يالغلا دام انج حطيتى ثوم لا اتحطين بصل اختارى
نوع من الاثنين
سؤال :زيت الزيتون ماينخلط مع زيت السدر؟؟جوابها :
يااختى الزيتون حاااااااااااااااار افهمو على والسدر بعد حار
زيت الزيتون لو حطيتى علية السدر بيحرق وبيقصف الشعر او الاس
لو بغيتى تستخدمى السد او الاس استخدميهم زيوت
ولو استخدمتيهم اعشاب شيلى الاعشاب بعد الخلط
مع الزيت بعد ساعة الى 5 ساعات بالكثير
ولو بغيتى مثلا تستخدمى زيت السدر او الاس
مع الزيتون لازم اتضيفين لهم
زيت خروع
او جلسرين
او نارجيل
او اى نوع من الزيوت اللزجة
سؤال:بخبرج اختي خالطه ثمان زيوت
زيت زيتون وزيت حبة البركه وزيت سمسم وزيت اللوز وزيت السدر وزيت الخروع وزيت الجرجير وزيت النارجيل
هاي الزيوت عادي تنخلط ولا لا
وربي يوفقج ويسهل لج امورج الجواب:
الله يسلمج حبيبتى
عادى يعنى سويتى خلطة يديدة وشلتى منها باقى المكونات عادى ماتضر
ايوا عادى للسبع زيوت اللى ذكرتيهم تنخلط مافيها اى اضرار ابد
الزيوت الباردة لازم نسبتها اكبر من الزيوت الحارة
يصير تستخدمى خلطة كلها زيوت باردة على زيوت عطرية
لكن مايصير تستخدمى زيوت كلها حارة وتخلطينهم مع بعض
او الزيوت العطريه
وزيت اللوز الحلو هاى للشعر ومايعتبر حار ابد
الزيوت الحار معروفة ماتحتاج لتعب
زيت الزيتون حار
زيت السنك حار
زيت الاس حار
زيت السدر حار
زيت الحلبة حار
زيت الزنجبيل حار
زيت القرفة حار
زيت القرنفل حار
زيت الثوم حار
زيت البصل حار
انواع كثير جدا
كيف تعرفى الكمية المناسبة
لكل نوع زيت حار يخفف بنفس القيمة مرتين بنوع زيت لزج او زيت دهنى
شوفى انا شخصيا كل منتجاتنا احطها بعلب بلاستيك من النوع الباغ
لكن البلاستيك العادى يفضل الابتعاد عنة
ويفضل لو ماحصلتى الزجاجات الباغ تستخدمى الزجاجات الزجاج
لالا ماراح تتاكسد ولا شيء العلب البلاستيكية لها دور كبير باكسدة الزيوت
مثل ماذكرت لج فوق
بغيت استفسر عن زيت دابر املا.. انا صارلي تقريبا شهر وشوي استعمله.. ونتايجه حلوه شعري طول
وصاري شكله صحي وطلع لي.. بس للحين ماوقف التساقط.. هل ينفع اخلط معاه زيت الخروع عشان يوقف
التساقط؟.. مع العلم شعري كيرلي وجاف.. بس خف الجفاف من استعملت دابر املا..
وسؤال ثاني مب لي.. مرت اخوي تبي تستخدم دابر املا والخروع وشعرها دهني وخفيف.. تستخدم
الخلطة ولا لاء؟..
والسموحه طولت عليج.. وجزاج ربي الجنه عالموضوع..
مرحبتين الغالية
تحذير من خلط دابر املا مع الخروع بروحهم
استخدمى دابر بروحة او الخروع بروحة لا اتحطين الاثنين على بعضهم
ولتساقط الشعر والله ماشفت اااااااااااى زيت بالاسواق
غالى ولا رخيص ماركة ولا غير ماركة وفاد باى نتيجة للتساقط
لازم خلطة زيوت تمنع التساقط
بس جربى هالخلطة لو مافادتج ماراح تضرج
زيت البصل او زيت الثوم مع الزبدة الصفراء اخلطى زجاجة الزيت
كلها تقريبا بتصير 50 جرام او اكثر شوى
وحطيهم على 5 ملاعق زبدة صفراء كبيرة
وسخنيهم عالنار وحطية على شعرج كلة من الجذور ودلكى الشعر
لمدة 10 دقائق والبسي كيس لمدة 5 ساعات
وبعدها اشطفى الشعر بالبلسم وبعدها اغسلى بالشامبو وبعدها بالبلسم
وسوى هالطريقة مرة واحدة كل اسبوع وادعيلى.....تم
ولا اوصيكم يااخوتي كل وحده تدخل ترفع الموضوع بدعوه تريحيني:35:وتدعي لي ان الثعلبه تروح بسرعه مثل ماجات بسرعه :06:
هذا الرابط من عالم حواء
http://forum.hawaaworld.com/showthread.php?t=2930754