الدكتورة اللي ترفض ماتوسع لك صارخي بوجهها
مو على كيفها
هي وظيفتها تولدك مالنا دخل اذا تأخرت او لا
نعذب انفسنا عشان حضرتهم يرتاحون ليييييه

انا بولادتي الاولى في العسكري في جدة
اللي تولد قابله مو دكتورة
وكانت اندونيسية تجيب الهم
مسكت المقص وانا توني اطلق
اشوا ان فيني عقل
قلت لها لا توسعين البيبي صغير وزنه كيلو ونص
قامت تنافخ وتصرخ علي
في الاخير رفست يدها برجلي وانا اصارخ وبكرية وطلق حار
قلت والله لو تشقين اني لااقلب المستشفى عليك واسجنك

قامت رمت المقص وهي تصارخ وتضرب رجلي
وراحت نادت ادارية او دكتورة سعودية بس صغيرة في السن
جتني تقول ليه منعتيها تولدك
قلت لها تبي تقص وانا ولدي صغير
قالت الشق اريح لك
قلت لا معليش اتحمل الولادة ولا ألعب بنفسي
ووالله لو لمستني اني اقلب الدنيا عليها وارفع عليها قضية
وقلت لها ابوي لواء وزميل مدير المستشفى
بس من خبالتي دخلت ببطاقة زوجي وعاملوني بناء عليها
سكتت وقالت للقابله هذا الكلام وراحت
وولدت الحمد لله بدون شق


لذلك اللي ترفض دكتورتها تسمع لها وتتحجج بسرعة التوليد
ارفضي بقوة وماعليك

عندنا المستشفى الحكومي بس اول ولادة يوسعون والباقي لا

بولادتي الاولى والثانيه بخاص وكانت بخياطة

وبالثالثة ولدت بالحكومي ورفضت القابلة توسع لي وانشقيت شق فوق وشق تحت يعني البيبي شق طريقه للخارج وقالت لي الدكتورة احنا مانوسع لكن اللي ينشق نخيطه

وطبعا ان شاء الله ماراح اروح للحكومي واستنى البيبي يشققني بروح للخاص ان شاء الله عشان يكون شق واحد وخياطة وحدة باذن الله لان التمزق يختلف عن لما يكون بمقص ومستقيم خصوصا التمزق اللي من فوق من عند فتحة البول يصررع
والله يسهل علينا يارب ولاننسى الدعاء بتسهيل الولادة انه مجيب الدعوات
هذي تجربتي وان شاء الله افدتك

الله يسهل علينا وﻻدتنا بدون الالم 

الشق مو على كيفك آْنَتي هم اللي يحددو انا بكري قصوني مرتين ووصلت لفتحة اللي ورا لان الجنين كان راسه كبير وتعبت مره بعد الولاده والثاني قصوني وخياطه بس ولاداتي الاخيره كانو صغار ولادتهم سهله وسريعه بدون قص وخياطه

اللي ماتبي قص وخياطه تحاول مايزيد وزن الجنينين عِن كيلوين ونص ً كل ماكبر كل ماتبهدلتي بولادتك خاصه البكريات