السلام عليكم ورحمة الله وبركاته
اشوفيني وايد متواجدة في قسم الخياطة هذي الأيام ..
وهذي المرة تجربية جديدة واحس نفسي يعتزل خياطة الملابس بعدها خخخخخخخخخخ
المهم عندي جلابية انطرت عني وقلت حرام ارميها فاشتغلت عليها امس شوي واليوم ...
فقمت قصيت اليدين وقلت بسويهم بنطلون
وهنا ارتكبت اول غلط لاحظت البنطلون بيطلع قصير فخطته على اساس يطلع طويل من تحت وقصير من فوق
وبعد ما خلصته حسيته بعد قصير ففكرت وقلت بسوي كركش من تحت وياليتي فكرت فيها من قبل عشان ما يطلع قصير من فوق ...
والقميص بروحة حوسته من صوب ...
طلع الراس ما يدخل فاضطريت اني اقصه من ورى واحط له فصمه وعشان اغطي مكان القص رقعته وطلع خبصة ... ما كنت اعرف كيف اركبه فخبصت الدنيا ... شو نسوي الدنيا تجارب ومنها نتعلم ...
ومن غير ما عرفت اضبط اليدين .. وبعد طلع القميص شوية ضيق على بنتي بس لبستها اياه غصب خخخخخخخ
ما قلت لكم اعتزل الخياطة احسن خخخخخخخ خلني على صبارتي وارنوبي احسن ..
اما زوجي فعجبه بس علق على ضيقة اما عمتي ام زوجي فعجبها حسبته جاهز ما شافت العيوب عدل خخخخ
يعطيك العافية
وبإمكانك تتخلصين من الضيق بعمل فتحات في الجنبين من تحت