من حامل و فصيلتها سالب؟!

السلام عليكم
عزيزتي انا توني لي اسبوعين والدة الحمدلله وفصيلتي بي سالب والحمدلله مافي اي شي لا تشيلي هم ..
كل المطلوب منك انك تروحي للمستشفى يعطوكي ابرة وانتي في السابع واول ماتولدي وبـــــــــــــــــــــــــــــــس هذا كل شي بس اهم حاجة بعد ماتولدي ذكريهم بالابرة لانه احيانا الدكاترة ينسوا وترى هي مرة مهمة لانه لو كانت فصيلة دم الجنين موجبة وانتي سالبة جسمك يفرز اجسام مضادة وبعدين يأثر على الحمل الثاني ممكن جسمك مايتقبل الحمل الله لا يعوق بشر يعني انتي اللي عليكي انك تتأكدي انهم يعطوكي الابرة بعد ماتولدي على طول يعني خلال يومين كاقصى حد .. ولا تخافي ياقلبي شي مرة عادي الحمدلله
الله يسهلك وتقومي بالسلامة ياعسل ...

أنا فصيله دمي بي سالب وزوجي او موجب وبنتي جأت بي موجب وصادقه لمن احد يعرف فصيله دمي يشهق بالذات في المستشفيات الحكوميه ويقولوا لو صابك نزيف وقت الولادة ما عندنا إسعاف دم لك زوجك مسؤول والابره حاولي تأمينها من بدري عمتي ممرضه بحكومي وكانت تجيبها لي لأني ولدت بخاص ولو أجهضتي لاسمح الله تأخذيها كمان
في فتره حملي كانت الدكتوره تتابع دمي باستمرار عشان ما تصير مضاعفات وقت الولادة ونحتاج دم انت انتبهي على نفسك وتابعي دمك وخذي حديد والله يسهل علينا جميع

وعليكم السلام ورحمه الله وبركاته
تسلمي عزيزتي على ردك الوافي طمنتيني الله يطمنك دنيا واخره ويحفظ لك جنينك يارب

هلا وغلا

انا فصيلتي سالبه وزوجي موجب والحمد عاادي اموري تمام

انا والحمد لله عندي طفل زي القمر مافيه ولا شي واختي كمان فصيلتها سالبه وعندها اربعه الله يحفظهم لها مافيهم اي شي ..المشكله بس كون الفصيله نادره وماتقبل اي فصيله الا الفصيله السالبه .....

والولاده عادي اي مستشفى يقبلك بدون اي شي بس اهم شي يكون عندهم خبر بنوع الفصيله ويسوون لك تحليل علشان لو ربي قدر واحتاجتي نقل دم يكون عندهم علم ..بالنسبه للابره انا اخذتها بعد الولاده لازم وتكون خلال 24 ساعه وكمان لازم لو صار عندك اجهاض تخذينها هذي المعلومات اللي عندي والله ييسر لك

انا وأخواتي سالب A
وزوجي موجب O
وبعد كل ولاده اخذ ابره خاصة بالاجسام المضاده

وفي بكري تأخرت ماأخذتها واجهضت الجنين اللي بعده لأن الاجسام المضاده كانت مرتفعه في جسمي ورفضت الجنين
ووحده من خواتي مثلي بعد كل ولاده تاخذها

امرها عادي