من حجت قبل نبي نصائحها

الله اعلم
بس الافضل بديل المزيل خذي شبة رووعة بصراحة وتبييض كمان


ان شاءالله ربي ييسرلك وتحجي
اللي عندي مو راضي يوديني :( مع اننا من مكة
ليا 4 سنوات اقله يقلي طيب ولا يوديني ان شاءالله بروح مع احد من خوالي ابرك لي

ربي يتقبل منا ومنكم
شوفي ياقلبي أنا الحمدلله حجيت السنه الي راحت
أول شي بالنسبه للاغراض في من بيزلين مجموعه الحج بدون عطر حلوه وكمان مناديل الكرسي عشان النظافه و خذي عبايتين و وحده تلبسينها و كمان كل يوم لبس مريح و هم كمان في الحمله يعطوكي قرآن وكتب دينيه حلوه
وكمان انصحكي تخلي كل الأيام قراءه قرآن و تدعي و ربي يتقبل منك

انا حجيت سنة ٣٦ و لله الحمد، و رجعت حيه من التدافع 😊


اول نصيحه، التسجيل بالحملات صار الكتروني و كل حمله ١٥٠ حاج فقط
يعني من تاريخ ١ ذو القعده ،الصبح الساعه ٨ خليك على اللابتوب
و احجزي بدري ،لان الناس تكب على الحملات مره وحده
هذا غير ان كل حمله لها مميزات ،من ناحية مستوى الخدمات و موقع المخيمات قربها و بعدها عن الجمرات
والناس بتختار الافضل و تخلي لكم الحملات الدنيا


ثانيا؛ الشورتات القطنيه الداخليه كثري منها ٥ شورتات اقل شي
لان حرررررر فظيع بمكه، و تعرقين و افخاذك تحتك ب بعضها
و حتى الملابس خمسه للتبديل بالخمس ايام، لان هناك تعرقين كثير


طبعا لازم معاك منشفه للشعر و منشفه كبيره تجففين بها جسمك بعد الاستحمام
ما اقول لك روب الاستحمام، لان وين بتبدلين ملابسك هن عباره عن مجموعة مخيمات و حمامات ،مافيه غرف للتبديل و كذا


ايه و خوذي هذا" اللي نسميه مشترك" اللي تشبكين فيه شواحن الجوالات و يكون فيه سلك طويل
لان احيانا مخرج الكهرباء يكون بعيد عنك و فووووق باعلى الجدار


اختي ماشاالله عليها، مدري كيف جاء ب بالها تاخذه معها للحج
وفعلا لولا الله ثم هي، كان حنا واللي معنا بالمخيم تبهدلنا و طفت جوالاتنا


و خوذي معك المعقم الصغير "جل ديتول" و شامبو و صابون
بالحمله يعطونك ادوات تنظيف، بس صغيره و قليله كانها عينات


هناك هم يعطونك سجاده و مصحف و مسبحه، وخوذي معك مقص عشان التقصير و التحلل من الاحرام
و خوذي بنادول او فيفادول، في حالة صار عندك صداع او الم او ...


العبايه و المنديل، خوذي معك احتياط غير اللي عليك لان تعرقين كثير و تضطرين كل يوم تغسلين وحده و تلبسين الثانيه
الحر هناك ما تخيلينه، العرق يصب منا صب




اختاري من حملات الشريحه الاولى او الثانيه اللي فيها طيران
و فئه أ هي الاقرب للجمرات
عندك فئات أ ب ج د ه، فئه ه هي الابعد عن الجمرات و المخيمات مو ب منى، بس المشايخ افتوا لهم بان عادي يبيتون برا منى بما انها زحمه


خليك على أ، موقع المخيمات ب منى و الاقرب للجمرات

انا حاجه من كم سنه الله يتقبل


لازم في الحمله مرشد يعلمكم ادق التفاصيل من الى


اهم شي خوذي اغراضك الخاصه الغير معطره


خوذي منشفه شعر
مقص
فرشاه ومعجون
احتياط جزم >>اهم شي الجزمه مريحه نصيحه


عبايتين ضروري لان يوم احج جانا مطر مطر الخيام امتلت مويا وعباتي امتلت مويا وكنا بمنى ومن بكره بنمشي عرفات وعباتي لسه ترطس ولحمد لله لبست العبايه الثانيه
واهم شي انك تمسكين لسانك عن كثره الكلام
لانها هذي حجه العمر ماعاد فيه غيرها الا ان يشاء الله
مارح نقدر نعوضها فخليها مميزه بالعباده


تقبل الله من الجميع

اهم شي انك لاتنشغلين مع الحريم الي بالحملة بالسوالف والضحك واستغلي وقتك هي ايام معدودة خمسة او ست ايام خليها ذكر واستغفار ودعاء وقراءة قران لاحقة على السوالف اذا رجعتي الله يهديهم بعض الحريم تقعد تطالع فيك لاشافتك بحالك بل والاعجب بعضهن تطالعك وانتي تصلين صارت معي وبعضهم تقعد تسال هالحريم وتاخذ نبذة عنها خلاص وش تبين فيها انشغلي بالي جيتتي له هذا اكثر شي انبهك عليه الله يعافينا ويعفو عنا