من حضر نجد دائماً تنعزمين ولا تعزمين ولا مسكينه تعزمين ولا تنعزمين ادخلي علميني

الموضوع بإختصار وسريع حتى الهمزات والاخطأالاملائية لاتدققين :icon33:رغم انه كنت اتمنى اروق وانزله بشكل افضل حتى يأخذ حقه من النقاش ونفهم هالعالم كيف تفكر وانا قلت نجدية مو عنصرية لكن لان نعرف ان كل منطقه لها اعرافها وعاداتها وكل مجتمع يختلف عن الثاني اهل نجد غير اهل الجنوب الحجاز الكويت ......الحضر غير البدو- ماظنهم يعانون من النقطه ذي ابدأ- يعني الظاهره عندنا ابي افهمها من طريقة تفكير هذا المجتمع بالذات
تلاحظين ولاحظت انه فيه بعض الاسر تلاقينها مضيافه او اجتماعية مادري وشلون افسرها دايماً تجمع حريم اخوانها بنات عمها وهكذا والاخت الكريمه تمر عليها سنين نفس الطريقه ولو تقعد سنة ماجمعتهم عندها ماجتمعوا سؤالي
ليش الباقين مايسوون نفس الطريقه ولو حطت دايرة مامشت ذي تتعلث بيتها صغير وذي زوجي مايبي احد -وامك وخواتك وصديقاتك ليش - الزبده كلها حجج والسلام يعني انتم ماتبون تقولون للناس حياكم الله ويتحمل الجميع مسؤلية التواصل ليش ثم ليش تجين اذا عزموك بتقولين عيب تلبية دعوه
السالفه مو مره ولا مرتين لك سنين تقلطين انت وعيالك

الثانية طول عمرها تقول والله لو عندي شغاله جمعتكم - اهلنا من زمان ماكان عندهم شغالات ولا تقاطعوا ثم جتها الشغاله قالت بس لو نسكن بيت كبير جمعت الناس ........سكنت وكبروا بناتها بعد يعني شغاله وبنات ومع ذلك دبلت كبودنا ودنا نشوفكم بنسير عليكم وحنا ماودنا بالقطاعه ونحبها لذلك نقول حياك الله

والثالثه من يوم تزوجت هي تعتبر مستقله .........لا هي تشوف نفسها صغيره - يوم انك صغيره وشلون تزوجتي - عيلت وكبروا ودرسوا وهي مع اهلها والدورية ماتشيلها وقطة استراحه ماتقط قبلها منضمة يا لأهلها ولا لاهل زوجها - لاتقولين عشانها مو موظفة لا ربي معطيها تلبس وتسافر وتأكل بأحسن مكان وفندق وعلى كثر ماتدخل بيتك تدخل يدها فاضية
ابي افهم ذي وش تحس فيه هو حقران ولا كره ولا بخل ولا دباشة ولو تكلمت عن الاقتصاد وعدم الاسراف انتقدتني وصرت بخيله فسرو لي ؟؟؟

والرابعه احسن شوي كل ماعزمتيها تجي بس ماتدخل الا معها صحن محترم تحسسك شوي ان لك قيمة وانها مقدرتك بس مستحيل تقول حياك الله
والخامسة مادري تخاف عل بيتها الله لايهينك فيه شيئ اسمه استراحه وانت مغنيك الله
لا تقولين انتم الي غلطانين ولا تقولين احتسبي ياناس ذي عشرين سنه ملينا
لانه اولاً نحبهم :39:وتربطنا فيهم قرابة موب ناس بعيدين ولاننا نحب الجمعات بننتظرهم ماعزالله شفنا ادمي يالله بعرس - وهذاهم بطلوا الحفلات وصارمختصر - ولا عزاء وبعد قالوا الاجتماع للعزاء وتعطيل الناس بدعه وبطلوا يجتمعون تروحين تعزينهم طاردي وراهم بالتلفون :44:
حليها متى تشوفينهم
ثانياً مافيني جرأة اتصل واقول بجيك وهذا اسلوبها انا احسها ماتبي تستضيف احد :09: ولاني ابيها اعزمها :mad: بس ودي كلنا نتحمل المسؤلية لان اذا استمر الوضع بالشكل هذا بنمل ولا نقعد نرمي كلام ونأثم وحنا اذا جمعناهم قلنا ياشيخة اطعام طعام وبر وصلة بس زهقنا:mad: وبناتنا زهقوا يقولون يمه نبي نروح قبل هم يجون
لاتقولين دايرة لان زي ماقلت بعضهم بياخذها والبعض متفرج وانت مجبورة تقولين لها ذي بنتهم وذي مرة ولدهم يعني على قولة المثل حطبة بعرض حزمه ولو خذيت استراحه الاخت اخذت بزرانها وطلعت وام زوجها تنحرج وتقط عنها

الي تمر على موضوعي
هل تعانون من هاالاشكال؟كيف تتصرفين معهم -خاصة في ضوء عدم وجود شخصية كبيرة وقيادية مثل جدة ولا اخو كبير يحط قوانين تمشيهم