كل العالم طاحوا في الاستراحات يستاجرون استراحه سويه قطه
والعشاء كل اسبوع على وحده وومااحد يتحمل مسؤلية احد كلن ظاف عمره
وان كان فيه بيت عائله اجتمعوا فيه والعشاء كل اسبوع على وحده معد احد يدخل البيوت للاسف
بس يكفي الاجتماع في اي مكان

والله انك صادقه في كل كلمه قلتيها ياحبيتي راح زمان اول الي ترحب بناس الحين الوحد موفره لها الشغاله ومع كذا ماتستقبل احد في بيتها ولااذاجيتيها تحسسك ان جيتك ثقيله ان ماعادني اروح لااحداستقبل فقط
اسبوع الي فات كانوا عندي ناس ديم ابونا يعزمهم فاستقبلتهم رجال وحريم قهوه وشاهي وعشاء ويوم قدهم ماشين قالت الحرمه مااستقبل احد بيتنا جديدتبون نتقابل ياالله البر...................ليه هذاالي ناقص

كل الدنيا صارت كذا الله المستعان محد يعزم أحد ولا أحد يتحمل أحد
أن عندي عماني كانوا دوريه في بيت جدتي وهالدوريه لايمكن توقف ألا برمضان
أما الحين الوحده ما تجي ألا اذا جت دوريتها ... ومانجتمع ألا ببيت جدتي وبغيره لا يمكن نشوف بعض ألا نادرا
أما خوالي مايجتمعون ألا بالعيد والعزايم ... وبعضهم حتى بالعيد مايجون ... الله الهادي

شوفي يالغاليه حنا ما راح نقول زمان وزمان خلاص زمن اول راااح ياوليدي على قولت ابوي الله يغفر له ولا نقعد نتحسر عليه لانه ما راح يرجع لان ذاك الزمن هو الزمن الصح انضيف مو الحين !!! عن نفسي ياالغاليه والله الي يقدرني ويحترمني ويعزمني اقدره واحترمه واعزمه لاكن شخص وسيع وجه وقااا ط وجه على خلق الله وهو ما يبي احد يجيه في بيتها الله لا يهينس اجلسي في بيتس ابرك لس ولبزارينس لي غثيتي خلق الله فيهم.... انا هذي طريقتي والكل صا ر يعرفني ان فلانه ماتعزم الا الي يعزمه وصاارو يعزموني بس عشان يجون عندي وش رايس ولا ااا اكرمهم احسن كرم اخليه تطلع وهي عيونها اربع اربع ..

الله المستعان ياليته على العزيمه بس لا الزين اذا جتك الوحده وهيتت عيالها ويالله انتي لحقيهم لا يكسرون ولا يخربون وكل شي يصير قدام عيون الأم بس ماهمها طيب الحين بيتك حافظته لا تعزمين ولا تجمعين فيه خايفه عليه وبيوت الناس قلعتها الله يدبل كبودهم بس البلا لمحنا وصرحنا بس عمك اصمخ ماعندك احد مره صارت دوريه الزاميه لأنها ترتبت عن طريق الرجال والله لايوريكم صار اللي الدوريه عندها مطنقره والنفسيه اللهم لك الحمد ولا صارت عندغيرها الكشره من الأذن للأذن والسوالف ماتخلص