انا حملت بولد بدون تحديد
الحمدالله كلهم نعمه من الله
ادعو لولدي بالشفا التام

ما اظن انو يلي يحملوا عن طريق الانابيب يكون الاغلب ولد، انا حملت بولد و بنت توأم من غير تحديد الجنس، الحمد لله ما لي نصيب فيهم جتني ولادة مبكرة في الشهر الخامس و فقدتهم الله يعوضنا 

الاخت نونه،  عملية الحقن المجهري، فيه نوعين من البروتوكول، البروتوكول الطويل، و فيه الدكتور يعطي الزوجه ابرة اسمها الابره التحضيريه ووظيفتها تصفر جميع الهرمونات، كلها تصير صفر و بعد الابره بثلاث اسابيع يبدأ يعطي منشطات لانتاج بويضات كتير، و طبعا مع المتابعه في الالترا ساوند و تحليل هرمون الاستراديول في كل مره تعملي فيها متابعه للبويضات، هذا الهرمون يبين اذا بويضاتك جهزت و لا لسه، و يضلوا يعطي منشطات و يتابع، و اخر كم يوم من التنشيط يعطي ابره بالاضافه الى ابرة التنشيط نسيت اسم الابره هاذي، وظيفتها يحافظ على البويضات و يخليها ما تطلع عشان ما يروح الشغل على الفاضي، فلازم يمسكوا البويضات بالابره هاذي، و بس تجهز البويضات و توصل للحجم المطلوب، يعطيكي الابره التفجيريه و بعد الابره ب 36 ساعه تروحوا المستشفى عشان سحب البويضات ، عشان ياخذوا من الزوج عينة السائل المنوي و يغسلوها في المختبر و يضبطوها، و طبعا قبل سحب البويضات و اخذ العينه من الزوج لازم الامتناع عن الجماع لمدة ثلاث ايام و قبل العملية لازم تصومي لمدة ثمان ساعات ،

  عملية سحب البويضات تنعمل تحت بنج كامل، مو بنج بنج حق العمليات لا كأنك نمتي و اخذتي غفوة نص ساعه و صحيتي، انا وقتها ما كنت نايمه كويس و اخذت غفوه حلوه مع البنج خخخخخخ و المره الثانيه ما اخدت بنج بس تخدير بسيط كنت بس دايخه و صاحيه، بس ندمت لاني تالمت الصراحه، تقومي من البنج و يمكن تحسي بالم بسيط في المبايض هم طبعا راح يعطوكي مسكن و قبل العمليه راح يحطولك مضاد حيوي في الوريد عشان ما تجيكي التهابات و كذا، راح تقعدي شوي فى المشفى بعد العمليه، واحتمال ينزلك دم طبيعي جدا، انا  رحت دورة المياه و بولت اكرمك الله و ددم كتير نزل تخرعت وريته الممرضه و قالت لي عادي اهم شيء ما يستمر والحمد لله خف وقعدت يومين او ثلاثه دم بسيط و راح الحمدلله ، قبل ما تطلعي من المستشفى راح يعطوكي ادوية تثبيت،  دوفاستون مرتين في اليوم كل 12 ساعه، و تحميله ممكن تستخدم مهبليه وممكن تستخدم شرجيه كل 12 شاعه تحطيها، و تستمري عليها حتى بعد الترجيع، فيها هرمون البرجستون اللذي يساعد في ثبات الاجنه بعد الله تعالى و بالاضافه الى ابر تحت الجلد تعمل سيوله للدم عشان يوصل الدم للجنين و بكذا يوصل الغداء و الاكسجين، كل يوم ابره حتى بعد الترجيع  ، و طبعا لازم تكوني باديه بالفوليك اسيد من الاول، انا من زمان و انا اخذه حتى من قبل ما اقرر اعمل العمليه 

بعدها بثلاث ايام راح يكلموكي المستشفى و يقولوا لك متى ترجيع الاجنه، و الترجيع سهل جدا و مو لازم بنج و لا شيء، زي الفحص النسائي العادي، يحط الاجنه في انبوب و يحطهم في رحمك،  على العكس ممتع و انتي تشوفي الاجنه تدخل في رحمك و الدكتور راح يشرحلك كم بويضه تلقحت و من اي درجه و كل شيء،  طبعا الاشياء يلي لازم تمتنعي عنها بعد الترجيع، الجماع، حتى اظن الجماع ممنوع بعد سحب البويضات ايضا يعني خلاص ما فيه جماع للترجيع و بعد الترجيع ما فيه طبعا، بس تاكدوا احسن من الدكتور، التزمي الراحه التامه قد ما تقدري، و خصوصا الثلاث ايام او الاربعه الاولى لانو الجنين اذا ثبت باذن الله راح يثبت بهذي الايام، يفضل عدم الاستحمام، انا سويتها ما استحميت لمدة اسبوع خخخخخخخخخخخخ و بعدها استحميت بمويه دافيه مو حاره، لا تطخي كتير، يعني لا تنحني، ابتعدي عن الاشياء يلي تنزل الجنين مثل القرفه، الاناناس، الزنجبيل، اليانسون، الفلفل الاسود،  القرنفل ( المسمار)، خففي منبهات زي الشوكولاته و القهوه و الشاي، كثري سوائل، مويه كتير اشربي، التفاح و السفرجل يساعدوا على التثبيت بارادة الله تعالى،  صلي عالقاعد، تجبني الامساك و ادا جا اكرمك الله لا تضغطي خلاص طنشي، الدكتور كثير نبهني اني في الحمام ما اضغط و ادف، اذا مرضتي لاسمح الله قبل اي دوا اسالي الدكتور و قولي له انك  حامل، تعاملي معاملة الحامل في الادوية، و اهم من هذا كله كثري دعاء و استغفار و قراءة القران، اقري سورة البقره كل يوم، اكثري من التسبيح و الصدقة

و فيه شيء مهم لا تدخلي النت بعدالترجيع، راح تتوسوسي و تتوهمي و تتعب نفسيتك كثير، و النت كله مبالغات،شفتي لما الواحد يكون عنده امتحان، يشوف الطالبات قاعدين يراجعون ويلي تقول هدا متعب  و هاذا مخيف و هاذا راح يجي في الاختبار ،  انواع التخويف، انتي ايش تسوي عشان ما تخافي تقعدي في زاويه و تقري قران و تسكري ادنك و تحاولي ما تسمعي للبنات عشان ما تتعب نفسيتك و ما تقدمي كويس في الاختبار ، و تراجعي المادة بكل هدوء لحالك، نفس الشيء هنا لاتدخلي النت و تقري تجارب يمكن ما تنطبق عليكي و اقعدي اقري قران احسن لك لانو النفشيه لها دور كبير في نجاح العملية بعد الله تعالى

البروتوكول القصير نفس الشيء بس الفرق انو الدكتور ما راح  يعطيكي ابره تحضيرية و بعدها بثلاث اسابيع تاخدي منشطات لا راح يبدا معاكي على طول، ثاني يوم الدورة تبداي منشطات، انا ما عمري جربت الطويل،  سبحان الله استخرت و ما تيشرت 

و طبعا قبل المنشطات راح يطلب الدكتور فحص هرمونات

صاحبة الموضوع
يتهيأ لك

أنا حاسة مراكز الأبحاث العالمية بتسكر بعد ما تشوف استطلاعات عالم حواء الخنفشارية


الله يرزقك ويرزق الجميع من فضله

كلمة على الماشي ههههههههههههههه من جد 

جبت ولدت بدون نحديد الجنس الحمد لله