الله يجزاكم خير
طيب اخر مره جاتني الدوره ب15 مارس
كم لي اللحين حامل ؟

بالعكس التمر غذاء في كل حملي ماشاالله لازم اكل يعني باليوم 3حبات فقط اما نص الثامن والتاسع باليوم من 11-15ماشاالله واخر حمل اخذت رطب مفعوله غييييير

جاهل من قال ان التمر يضر الحامل
لانه فاهم الايه القرانيه غلط


بالعكس التمر لازم كل حامل تاكله من الشهر الاول لحد الاخير
لانه هو من راح يمد الجنين بكل العناصر الغذائيه والفيتامينات والمعادن هو منجم للفيتامينات والفوائد
خاصه عقل الطفل ممتاز للعقل يخلي الطفل ذكي باذن الله
ولا الاولين وش اكلهم قبل التمر واللبن والحليب
التمر مايجيب ولاده ابد لو تاكلين سطل
التمر اذا معك طلق يهدي الانقباضات ويساعدك بالولاده بس مايجيب ولاده
الايه يوم يامر الله عزوجل السيدة مريم تاكل متى امرها تاكل التمر؟؟؟
قبل الطلق ولا بعد الطلق اذا تعرفون الايه كامله
( فَأَجَاءهَا الْمَخَاضُ الَى جِذْعِ النَّخْلَةِ قَالَتْ يَا لَيْتَنِي مِتُّ قَبْلَ هَذَا وَكُنتُ نَسْياً مَّنسِيّاً ? فَنَادَاهَا مِن تَحْتِهَا أَلَّا تَحْزَنِي قَدْ جَعَلَ رَبُّكِ تَحْتَكِ سَرِيّاً ? وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَباً جَنِيّاً ? فَكُلِي وَاشْرَبِي وَقَرِّي عَيْناً)


الايه تقول جاها المخاض يعني مين الاول التمر ولا الطلق
والطلق بالايه فهمتوا منه قوي ولا خفيف
الطلق كان قوي لانها قالت ياليتني مت قبل هذا تعرفون اللي يشتد معها الطلق تقول اشياء ماكانت تقولها قبل من الوجع
وكانت خايفه بعد
طمئنها الله وامرها تهز النهله وتاكل بس ليش امرها تاكل تمر
1- لان اللي راح تولد غلط تكون جوعانه لازم تاكل وتبعد الجوع عنها لان الجوع يهد الحيل ولا راح تقدرين تدفعين وتساعدين نفسك راح يخر قواك لذا امرها الله تاكل تمر عشان تسد جوعها وتشرب مويه من الجدول اللي تحتها عشان تروي عطشها وتبل عروقها
نسيتوا بالايه فيه مويه؟!
2- التمر تولد طاقه لانه من السكريات والسكريات وظيفتها تولد طاقه فيحس الشخص بقوه ونشاط


3- التمر يهدي الانقباضات اللي تحصل بالرحم اذا هدت الانقباضات تقدر اللي الحامل انها تدقع براحتها وتنظم الدفعات لكن اذا فيه المرضديد ورى بعض ماتقدر تاخذ نفسها ماتقدر تركز على الدفع بسبب الوجع لكن التمر يهدي الانقباض اثناء الطلق ويلين العنق اذا فيه طلق لينه مافيه طلق مالينه حطوا خطوط


وعشان تزيدين وزن الجنين كولي تمر مع لبن يوميا راح يزيد وزنه اذا مره نتفه

انا اكله التمر وحريصه عليه بكل حملاتي


اما الضار
المعلبات بانواعها كل المعلبات
لانها فيها مواد حافظه وخطره على الاجنه ماتشوفينه بس راح تلاحظون بصحته باشياء ثانيه اذا كبروا
تشوفون امراض غريبه تصيب اطفالنا توحد نشاط زائد الخ الخ
ليش بعصر اجدادنا ماعندهم هالامراض
اللي انتشرت بعصرنا الحاضر
لانه عصر اجدادنا ماعندهم معلبات كل اكلهم فرش وطازج ويسوونها بيدينهم ماياكلون من مطاعم ولا معلبات
ياكلون خضروات فواكه دقيق بر لحم لبن حليب جبن زبده
كل شي من الطبيعه مامر عليه تعليب وحفظ
ابعدي عن المعلبات نهائياً
والمطاعم
والمشروبات الغازيه ضاره
اعتبري نفسك بعصر الاولين
تاكلين خضار سلطات فواكه سلطه
كولي خبز بر مو ابيض عشان ماتصيرين دبدوبه
سوي فطاير بالبر اذا ماتبين تنتفخين
الشاي والقهوه ابعدي عنهم لانهم فيه مادة الكافييين تاثر على الجنين اعصابه
ماقول لاتشربين اذا رحتي لاحد اشربي مره مرتين بس مو يوميا ابعدي حاولي تمنعين نفسك لحد ماتولدين
الشاي الاخضر يلغي الفوليك بالجسم
الشاي الاحمر يكسر الحديد بالجسم
الغازيات يكسر الكالسيوم


انا من تجربه ثلاث اطفال بكري كنت حريصه على الاكل بس استخدم السفن اب مع الاكل اذا كنت برى لاني ادرس بالكليه واكل من البوفيه واذا اكلت من الفطاير والمقالي والسندوشات الموجوده عندهم يجيني حرقان وغثيان فاشرب معه سفن ورتاح مايجيني
وكل ماجاني حرقان شربت سفن
بنتي وقف وزنها بنص الثامن على وزن 2500 ومازاد شي وولدها باخر يوم التاسع بنفس الوزن
مع اني حريصه اني اكل بس اخرب اكلي بالمنتوعات اكل من هنا حبوب ومنتجات واخرتها يخرب كل شغلي
الغازيات والشاي والقهوة


كنت حريصه على حبوب الكالسيوم والحديد واشرب واكل كل منتجات الالبان وحريصه على الحليب
بس السفن الغاه من جسمي
وجبتها عظامتها لينه وتاخرت بالمشي والتسنين
الحين عمرها خمس سنين واسنانها شفافه والسوس بدا يغزي سن لها وانا اهتم فيها بس اسنانها ضعيفه وهي عنييييييده اقعد صراخ انا وهي كل يوم عشان الحليب تشربه ماتشرب الا تص الكاس بعد تهديد لانه شجعتها مدحتها مانفع واخرت الحلوب الكي صرت اهدد وبكذا تشربه


بعدها قلت ماراح استخدم شي بحملاتي من الاكل والمشروبات الصاره اللي تخليني اندم زي بنتي بكري ندمانه اني شربت فيها سفن
كل ماجاني الحرقان بحملي الثاني اكل خيار ادب فيه اكله بارد مره ويختفي الحرقان وعلى هالحاله لحد ماولدت وبالثامن لقيت وزن البيبي زي وزن اخته رخت ادب بالتمر واللبن بشكل كثير والموز معه ثلاث موزات باليوم
لاني ابولده قيصري فكنت خايفه اجيبه زي وزن اخته ابي اوصله للثلاث كيلو
والحمدلله وصلته
والحمدلله ماصار زي اخته احسن منها
حملي الثالث برضو الحرقان يمكن اشد منهم كلهم فصرت اصيح منه صياح خيار مافاد ثلج خاف منه
صرت اشرب دواء موكسال والحمدلله ارتاح انا ماكل مقالي وشي مذا بس الحرقان يومي يومي من السابع
توحمت على الشاهي الاحمر بس حرمت نفسي منه لاني ماستخدم حبوب حديد وكالسيوم موقفتهم بحملي الثالث
لاني عارفه فيني فقر دم ولا استخدم حبوب وركزت على الاكل يصير فيه حديد وفيه مالسيوم اعوض بالاكل
لاني مليت من الحبوب لاني اكل حبوب الغده وحريصه عليهم طفشت من الحيوب اثانيه فصرت اكل وانسى لحد مانسيتهم هلصت ولا جبت
والحمدلله امانع عن السفن وامتنع عن الشاهي عشان مايكسر تعبي اللي اكله واشربه
والحمدلله رب العالمين استفدت وستفاد جنيني


اقولك توحمت باشاهي لدرجت اتخيله ماقول اشرب الا اسربه الا رحت لاحد صبولي بس ماخليهم يصبون لي ثاني
والفطور احب الشاهي معه بس ماسكه نفسي وخليه حليب وانا ماكرهه الحليب احبه واحب منتجات الالبان بس بحملي الاخير جاني حب فضيع للشاي وعارفه مافيه نفع ولا شي وحتى الوحام مامنه فايده منعت نفسي
وولدت واختفى حبي للشاهي


المهم جبت بنتي اللهم لك الحمد بخير وبسلامه مو زي اختها
والله كل من شاف بنتس الكبيره يقولي ليش شفافات اسنانها وكل من زارني بناسي فيها يقول عظامتها لينه شوي تنكسر ولا تشد وقفتها اذا وقفتها ماتشد لا ماتوقف لينه




لذا احرصي تبعدين عن الغير مفيد انتي مو ضارك هو راح يروح للجنين وصحته وكروسوماته
حتى الدكتوره كل مارحت لها بكل حمل تقولي امتنعي عن المعلبات والمطاعم


انتي ماتبين تسمين مره
ابعدي عن كل شي غير صحي ولا تسمنين
غازيات ، حلى ، فطاير وخبز الابيض ، المنبهات ، المعلبات


كثري من
الخضار ، الفواكهه ، دقيق البر وخبزه ، منتجات الالبان ،
احرصي على الشمندر او البنجر يزيد الدم بشكل فضيع روووعه تسوينه عصير مع فواكهه مو بدونه
اخلطيه مع تفاح وبرتقال وكيوي وكل فاكهه تحبينها حطيها معه عشان طعمه مو حلو