من خبرتكم وتجاربكم علموني كيف اتصرف مع بنتي

السلام عليكم

الله يجزاكم خير ابيكم تساعدوني بـ طريقة تربية بنتي لأني تعبت معها :(

بنتي وش حليلها ومن كملت الـ سنه وهي متغيره وطالعه لنا بـ طبع جديد

مدري هل هو طبع جديد او انها توجس وتحس بـ شي الم او تعب واحنا ماندري

اذا اخذت منها شي تصيح صياح يروع وصراخ ووجهها يصير اسود واحمر وتشاهق وتصارخ بأعلى صوت

لدرجة صوتها ينبح من الصراخ

اذا كانت بتروح للمطبخ او غرفة النوم وسكرت الباب تسوي نفس الحركه

اذا جاها النوم تتغلق وماتعرف تنام وتسوي نفس الوضع صياح وصراخ واحسها مدري وش تبي او هي

نفسها ماتدري وش تبي ماغير تروح من مكان لـ مكان وتصيح وتصارخ

وفيها النوم عيونها حمرا وتتثاوب وترمي نفسها تتسدح بعدين تقوم وتصيح وتسحبني يعني تعالي معي

واشيلها ونفس الوضع حتى وانا شايلتها وادور فيها تصاااااااااااارخ وتدفدف نفسها نزليني

والله تعبت واحترت معاها ماادري وش تبي

حتى اليوم الفجر فجأه قامت تصرخ وتصيح وهي نايمه وقامت كنها مفجوعه وخايفه كأنها محلمه بشي

قمنا نقرا عليها وشغلت سورة البقره وقام ابوها يدور فيها بالبيت وهي تصارخ وتصيح

ولما فتحنا النو ر هدت وسكتت وقامت تلعب :angry2: يعني البنت مافيها بلا بس مدري وش سالفتها

جلست تلعب ليييين جاها النوم وتغلقت ورجعت لـ حالة الصياح

يعني الحين صارت ماتنام الا وهي شبعااااااااااااااااااااااانه ودايخه من الصراخ والصياح


والسبب ؟!! ماندري


,,,,,,,,,,,,,,,,,,,,,,,,,,,,


انا ماابي البي لها اي طلب لأنه راح تاخذ الصراخ وسيله عشان توصل للي تبيه وبنفس الوقت حتى لو طنشتها

والله مايفيد تجلس تصيح لحد ماتشرق وتنكتم نفس اللي صار لها اليوم

وابوها خاف قال لا تنطشينها سوي لها اللي تبيه

وانا اقوله غلط كذا والله تتعود وتخرب علينا قال اجل نخليها تشرق من صياحها لاااااااا