من خبرتي مقتطفات كيفية التعامل للمتزوجات حديثاً

وصلتني رسالة على الخاص من احدى عضوات منتديات عالم حواء العزيزات
وحبيت ان انقلها لكم للفائدة للجميع
اولا : كيف تعلمي زوجك تحمل المسؤولية في بداية الزواج خصوصا اذا كان صغير السن
لله يرزقنا حنان الزوج والولد وقراءة القراءة الى الابد
بالنسبة لموضوع ان يتحمل المسؤولية فهاي القصة رح تاخذ منك وقت وجهد كبير وبالتدريج ****لله كل شي بسير وبالصبر والمثابرة
مثال انتي لما تحتاجي غرض معين لاتشتري بنفسك حتى لو كان تافه او مو مستاهل لو كرت موبايل اطلبي منه عشان يتحمل مسؤولية
وفهمي هاي النقطة قوليله انا بحب انك تجبلي وتتزكرني ولو بشي بسيط والشي من ايدك احلى وفي بركة اكثر وقوليله جبلي حوائج البيت عشان اطبخلك الاكلات الي تحبها يعني ضمعي لحين يجبلك الي بدك اياه
قوليله انا غنية وبحب الهدية تعودي انه يهديكي في كل المناسبات ولو شي بسيط
بس لانه المهم نتعود عالمبدئ ولما يهديكي شي حتى لو مو من ذوقك او لبسك لاتكسفي وحسسي انه هاد طلبك عشان دائما يجبلك ويتشجع واشكري وفرجي انك اسعد انسانة بالدنيا
ثانياً كيف تعلمي ان يكون لك مصروف خاص بك حتى لو كنتي موظفة
وبالنسبة للمصروف احكيله كل فترة يعطيكي مبلغ بسيط واحكيله انك مو محتاجة بس بتاخدي منه عشان يحس انك مسؤولة منه
وبالنسبة لراتبك بما انك موظفة خصصي ربع راتبك كمصروف شخصي لك كل شهر وحاولي تدخري منه
ثالثا: كيف تمنعي او تخففي من سفر الزوج (هاي مشكلة كل الرجال)
بالنسبة للسفر فهمي انك بتخافي تبقي بالمنزل لوحدك وبتخافي تنامي الليل ومافي مشكلة لو انك بهرتي الامور وقلتيله بسمع اصوات ومن هالحكي عشان يصدق انك خايفة:55:
رابعا:اازا راح تسكني مع اهل الزوج وودك يكون لك تاثير عندهم يعني ودك اتندمجي معاهم ويحبونك ايش الطريق الي تسويها عشان تكوني محبوبة
بالنسبة لاهل الزوج خليكي معاهم رسمي احسنلك وماتعطيهم الامان مهما شفتيهم مناح ولاتفتحيلهم قلبك مهما صار
اعملي واجبك معهم وماتنتظري منهم المقابل
وماتجاملي كتير او تحملي نفسك فوق طاقتك لانه الشي الي بتبدئي فيه لازم تستمري عليه يعني لو عودتيهم تعملي حلى بشكل يومي وتنزلي لعندهم لو يوم كنتي مريضة او تعبانة او مالك مزاج يعني الانسان بتمر عليه ظروف وماعملتي رح تينسو كل المنيح ويسير كانها نقطة تقصير وليش ماعملتي
لذلك من الاو ل قومي بفعل ماتستطيعين فقط لاتحملي نفسك فوق طاقتها وماتكوني خفيفة يعني مزح وضحك خليكي متوازنة امامهم وماتدخليهم بتفاصيل حياتك ابدا
يعني لو قلتيلهم اشتريت هالبلوزة عالتنزيلات رح يحكو كل لبسها رخيص ومن التخفيضات وعينها فارغة ولو قلتيلهم شريت هالبلوزة من جيس او بوسيني او زارا رح يقولو مضيعة كل فلوس اخوي عاللبس وجاي تتمصرف عند ابنا ومن هالحكي ومبذرة فانتي خليكي في السليم احسن
حماتك ام زوجك عليكي حق خدمتها هي بس كيف يعني لو يوم رحتو تغديتو عندهم ساعديها في الطبخ او اعملي السلطة افردي الطاولة معها وممكن تجلي بس في حال وجود بنات حماتك خلي تركيز الشغل عليهم . لما حماتك تيجي وهي جايبة معها صينية الضيافة قومي وخديها من ايدها وضيفي الناس الموجودين ودي حماتك بهدايا واعدي لها طبقة حلو لو كل شهر مرة اتصلي معها وخليكي حنونة وخواتك زوجه صلة رحمة لاتقطعي عنهم ابد هادا الي يخطر على بالي حاليا وترقبو المزيد باذن الله