من خطبوا له وناويين يزوجونه وانا قلبي محروق من القهر

السلام عليكم
كنت عايشه حياة مستقرة واكيد فيها مشاكل وهموم الدنيا ماتخلى منها
الى ان زوجي خطب من وراي بتحريض من امه وزوجة اخوه
كانوا يقولون زوجته عادية مرره وهو يبغى بنت صغيرة وجميلة
راح شافها الشوفة الشرعية وجات له مثل ضيق تنفس وطلع من البيت ولارجع لهم
ومصرين بعد يخطبون له
هالشي عرفته بدون ماصارح زوجي
والكل على باله اني غشيمه وغبية وماادري شنو يصير من وراي
كل الي سويته فرشت سجادتي ودعيت الله ان يشغلهم في نفسهم بقلب محروق من الالم
بعد فترة مااعرف شنو الي صار بالضبط بس زوجي تهاوش مع زوجه اخوه وقال يحرم علي أطب البيت وانتي فيه لان كانت ساكنة مع اهل زوجي
صار كل مره يبغى يزور اهله يكلمونها اهله ان تروح بيت اَهلها
بتقولون وين مشكلتك ؟
احس ثقتي بنفسي تدمرت لدرجة ان اعتزلت كل الناس وماقمت اروح مناسبات اهل زوجي ولاحتى الأعياد
شي في قلبي انكسر ودايما اناظر في المرايه اقول يمكن انا شينه يمكن هو يستحق احسن مني
مع ان الشهادة لله بعد ماخطب وكنسل تغير كثير في معاملته لي ولعيالي للأحسن
دعمني اكمل دراستي وأخذ الماجستير كان يسهر مع العيال وهو عنده دوام علشان اذاكر ايام الاختبارات
خطبته مرت عليها ست سنوات ونسيتها فترة طويلة او بالأصح تناسيتها
حاليا من حملت وانا مررره موجوع قلبي اجلس في الليل ابكي الى ان انام وانا مقهورة وقلبي منفطر
ماعرف كيف تجددت أحزاني من جديد مع ان حياتي حاليا مافيها شي يكدر الخاطر الحمد لله